"Manchester Yunayted" jamoasi bosh murabbiyi Lui van Gal shu oyning oxirida o'z lavozimidan ozod etilishi mumkin, deya xabar bermoqda The Sun nashri. Angliya chempionati 26-turida "Sanderlend"dan kutilmagan mag'lubiyat (2:1) qabul qilib olgan "qizil iblislar" chempionlikdan deyarli umidini uzishdi. Jamoa mavsumni kuchli to'rtlikda yakunlashi ham so'roq ostida turibdi. Vaziyatni o'nglash maqsadida klub rahbariyati gollandiyalik mutaxassisni o'z lavozimidan ozod qilmoqchi ekani xabar qilingan. Manbaning yozishicha, mankunianliklar 28 fevral kuni "Arsenal"ga qarshi kechadigan o'yin oldidan van Gal bilan xayrlashib, o'rniga Joze Mourinoni taklif qilishmoqchi.

Eslatib o'tamiz, "Manchester Yunayted" 41 ochko bilan turnir jadvalining beshinchi pog'onasini band qilib turibdi.
— deya xabar beradi uff.uz nashri.