15-20 fevral kunlari Andijonda 13-14 yoshli o'smirlar o'rtasida futbol bo'yicha “Hokim Kubogi” turniriga start beriladi.
Viloyat futbol federatsiyasi hamda Andijon shahar hokimligi tomonidan tashkil etilgan ushbu musobaqada Olimpiya zahiralari kolleji jamoasi, Andijon shahar futbolga ixtisoslashgan maktab-internati va viloyat futbolga ixtisoslashgan maktab-internatidan ikkitadan jamoa, “Shahrixon-33” jamoasi, viloyat bolalar va o'smirlar futbol maktabi jamoasi va “Farg'ona” jamoalari ishtirok etadilar.
-Bahslar Sho'rbuloq dahasidagi maktab-internati stadionda o'tkazilishi rejalashtirilgan,- deydi viloyat futbol federatsiyasi birinchi vitse-prezidenti Alisher Uzoqov. – Maqsadimiz yosh futbolchilar orasidan etishib chiqayotgan iqtidorlarni saralab olishdir.
Elmurod ERMATOV, Andijon
— deya xabar beradi uff.uz nashri.