“Manchester Yunayted” jamoasi sobiq ustozi Devid Moyes “qizil iblislar”ning amaldagi bosh murabbiyi Lui van Gal klubni mavsum yakuniga qadar kuchli to'rtlikda saqlab qolmasa, ishdan ketishi haqida ogohlantirdi. “Men “Manchester Yunayted”ga kelganimda EChL yo'llanmasini qo'lga kiritish vazifasi qo'yilgandi. Klub o'z mavqeini saqlab qolishi kerak edi. “MYu” singari klubga kelsang, katta bosim ostida qolasan. Muxlislar, rahbariyat va OAV sendan mislsiz narsalar kutishadi. Manchesterdan ketganimdan so'ng Lui van Galning kelishini bilgan muxlislar uni ko'kka ko'tarishdi, lekin, bugun u jar yoqasida turibdi. Agar u joriy mavsumni kuchli to'rtlikda yakunlamasa, u ishdan ketadi. Menda ham shunday bo'lgan. U erdagi omadsizlikka qaramay, jamoani boshqarishga men loyiq edim”, - deydi Moyes. Avvalroq, gollandiyalik mutaxassis fevral oyining yakunida o'z lavozimidan ozod etilib, “Arsenal”ga qarshi o'yin oldidan jamoani Joze Mourino boshqarishi mumkinligi xabar qilingandi. 
— deya xabar beradi uff.uz nashri.