Ertaga, 16 fevral sanasida futzal bo'yicha Osiyo chempionati chorak finallari oldidan terma jamoalar bosh murabbiylari ishtirokida matbuot anjumanlari o'tkaziladi.
Eslatib o'tamiz, chorak finalda A guruhi g'olibi O'zbekiston terma jamoasi V guruhida ikkinchi o'rinni egallagan Iroqqa qarshi maydonga tushadi. V guruhi g'olibi Eron termasi esa A guruhida ikkinchi o'rinni olgan Qirg'iziston bilan to'p suradi. Shuningdek chorak finalda Vetnam - Avstraliya va Yaponiya - Tailand to'qnashuvi bo'lib  o'tishi ko'zda tutilgan.
Matbuot anjumanlari ertaga, soat 11.30da boshlanadi va unda avvaliga O'zbekiston - Iroq hamda Eron - Qirg'iziston bosh murabbiylari ishtirok etadi. 12.00da   Vetnam - Avstraliya va Yaponiya - Tailand ustozlari jurnalistlar bilan muloqotda bo'ladi.
Matbuot anjumani «Interneyshnl» mehmonxonasida bo'lib o'tadi.
— deya xabar beradi uff.uz nashri.