«PSJ» klubi yarim himoyachi Marko Verratti bilan shartnomani yana bir mavsumga uzaytirganini rasman e'lon qildi. Endi italiyalik futbolchi bilan kelishuv 2020 yilning 30 iyuniga qadar javom etadi.
«Verratti — Evropaning eng iqtidorli futbolchilaridan biri. Biz uning loyihalarimizga ishonch bilan qarayotganidan juda xursandmiz.
Men Marko bilan hamkorlik davom etishidan qanchalik xursand ekanimni izhor qilishni juda ham istayapman. U klub uchun juda muhim o'yinchi. U jamoamizga hali uzoq muddat yordam beradi», — dedi «PSJ» prezidenti Nosir Al-Xelayfi.
Futbolchi parijliklar safiga 2012 yilda «Peskar» jamoasi safidan kelib qo'shilgan edi. U tez orada jamoaning asosiy o'yinchisiga aylandi. Marko joriy mavsumda Frantsiya chempionatining 16 o'yinida maydonga tushib, ikkita golli uzatmani amalga oshirgan.
— deya xabar beradi uff.uz nashri.