Turinning "Yuventus" klubi bosh direktori Juzeppe Marotta jamoa hujumchi Paulo Dibala va yarim himoyachi Pol Pogbani sotish niyatida emasligini aytib o'tdi. Avvalroq, ikkisiga ham "Barselona" klubi tomonidan qiziqish borligi ma'lum bo'lgandi. – Dibalani xarid qilib tavakkalga qo'l urgandik. Ammo, o'ta iste'dodli futbolchi bilan shartnoma imzolayotganimizni va kelajakda u klubga katta foyda keltirishi mumkinligini bilardik. Biz hech qachon uni sotib yuborish haqida o'ylamaganmiz. Pogba? U ajoyib o'yinchi va hamon uning xizmatlari "Yuventus"ga foyda keltirmoqda. Pol jamoamizning muhim futbolchilaridan biri. Uni saqlab qolishga astoydil harakat qilamiz, – deya Marottaning so'zlarini keltiradi Football Italia nashri.
— deya xabar beradi uff.uz nashri.