“Paxtakor” jamoasi bilan 17 fevral kuni blib o'tadigan Superkubok uchrashuviga jiddiy tayyorgarlik bilan kelayapmiz. Shuni alohida qayd etmoqchimanki, bu yilgi mavsum biz uchun nihoyatda ma'suliyatli, ya'ni O'zbekiston Superkuboki final uchrashuvini qo'shib hisoblaganda to'rtta fronta kurash olib  boramiz.
Imkoniyatlarni chamalaydigan bo'lsak, bu boradagi ko'rsatkichlarimiz “Paxtakor” jamoasi bilan bir xilda deb, hisoblayman. Ya'ni ellikka – ellik   deyish mumkin. Chunki raqibimiz bilan selektsiya borasida olib borgan ishlarimiz deyarli bir xil. Ushbu uchrashuvda esa kuchlilarning kuchlisi g'alaba qozonadi deb, o'ylayman. Biroq biz ham “Paxtakor” jamoasi singari sovrinlarimizni ko'paytirsak yomon bo'lmaydi.
Uchrashuvning  Toshkent shahrida o'tkazilishi biz uchun hech qanday qiyinchilik tug'dirmaydi, qolaversa biz uchrashuvda nominal mezbon hisoblanamiz.
Muhtasham “Bunyodkor” stadioni ikki jamoa uchun ham betaraf maydon bo'ladi. Ammo biz doimgidek “Nasaf”ning jonkuyar muxlislaridan madad kutib qolamiz. Suhbatni Xusan Temirov  olib bordi.
— deya xabar beradi uff.uz nashri.