Xabaringiz bor, Ispaniya chempionati 24-turida “Barselona” jamoasi “Selta”ni 6:1 hisobida dog'da qoldirdi. Uchrashuvning 81-daqiqasida Lionel Messi va Luis Suares ijrosidagi penalti esa internetni larzaga keltirdi.
Bir ko'rinishda gol bexato kiritilganga o'xshaydi, ammo, ushbu vaziyatda gol qoidalarga zid tarzda kiritilganligi aniqlandi. Gap shundaki, Messi to'pni Suaresga (yoki Neymar)ga uzatayotgan vaqtda urugvaylik hujumchi “D” chizig'i, ya'ni, jarima maydonchasidagi yarim aylanani bosib o'tgandi.
Hakam ushbu vaziyatni ko'rmadi va golni inobatga oldi. Ta'kidlash kerakki, futbol tarixida hozirgi kunga qadar Yoxan Kroyff va Olsen ijrosidagi uzatma orqali amalga oshirilgan penalti xatosiz bajarilgan. Bir vaqtlar Terri Anri va Rober Pires ham shunga o'xshash golni kiritmoqchi bo'lgan, biroq, u muvaffaqiyatsiz yakun topgan.
www.101greatgoals.com
— deya xabar beradi uff.uz nashri.