Xabaringiz bor, joriy yilning 17 fevral kuni “Bunyodkor” stadionida O'zbekiston Superkubogi-2016 uchrashuvi bo'lib o'tadi. Uchrashuvda “Nasaf” va “Paxtakor” jamoalari o'zaro kuch sinashishadi. Ushbu uchrashuvda “Nasaf” jamoasini bevosita stadionda turib qo'llab-quvvatlash uchun “Nasaf” PFK muxlislar klubi faollari hamda Qashqadaryolik ko'plab futbol ishqibozlari Toshkent shahriga borish taraddudida turishibdi. Ana shuni hisobga olgan “Bunyodkor” stadioni ma'muriyati vohalik muxlislar uchun stadionning 3″A” sektoridan joy ajratishgan. “Nasaf” jamaosiga muxlislar klubi faollari bilan bir sektorda turib muxlislik qilishni hohlovchi futbol ishqibozlariga ana shu sektorga chipta xarid qilishlarini so'raymiz. Yana bir marta eslatib o'tamiz, uchrashuv soat 15:00da boshlanadi. Uchrashuv haqidagi reportaj yozib olingan holda Sport TV orqali soat 21:40da namoyish qilinadi.
— deya xabar beradi uff.uz nashri.