Oldinroq “Barselona” hujumchisi Lionel Messining sevimli raqiblari haqida ma'lumot berib o'tgan edik. Bu safar Leoning asosiy raqobatchisi, “Real” hujumchisi Krishtianu Ronaldu eng ko'p gol urgan jamoalar haqida to'xtalib o'tamiz.
6. “Malaga” – 14 gol
Ronaldu “Malaga” bilan uchrashuvlarda jami 14 ta golga mualliflik qilgan. Krishtianu ushbu jamoaga qarshi kechgan oxirgi to'qnashuvda darvoza tomon 18 ta zarba yo'llagan, biroq gol urishni uddalay olmagan edi.
5. “Atletiko” Madrid – 15 gol
Krishtianu “Madrid derbi”larida o'z hisobiga 15 ta gol yozdirib qo'ygan. Portugaliyalik “Atletiko” bilan kechgan oxirgi 4 ta uchrashuvda birorta ham gol ura olmaganini alohida ta'kidlab o'tish joiz.
4. “Barselona” – 15 gol
Portugaliyalik futbolchi hozirga qadar “El klasiko”larda urgan gollari soni 15 tani tashkil etmoqda. U “Barselona” bilan o'yinlarda ketma-ket 6 uchrashuvda gol urib, o'ziga xos rekord o'rnatgan. Eng qizig'i Krish Kataloniyaliklar bilan bo'lib o'tgan so'nggi bahsda ham raqib posbonini ranjita olmagan.
3. “Atletik” – 16 gol
Bilbaoning “Atletik” klubi Ronalduning sevimli raqiblari uchligigi kirdi. KriRo o'tgan haftada Basklar darvozasiga ikkita to'p kiritdi. U bundan oldin “Atletik” bilan uchrashuvlarda ikki marta “xet-trik” qayd etgan.
2. “Xetafe” – 19 gol
Ronaldu “Xetafe” bilan kechgan oxirgi 6 uchrashuvda 11 ta gol urgan. Uning ushbu jamo darvozasiga kiritgan gollarining umumiy soni esa 19 tani tashkil etmoqda.
Davomi Furqat Yusupov blogida.
— deya xabar beradi uff.uz nashri.