Toshkent shahrida davom etayotgan futzal bo'yicha Osiy chempionatining chorak final o'yinlariga ham etib keldik. Bugun guruhdan chiqqan sakkizta terma jamoa yarim finalga chiqish uchun kurash olib boradi.
Yaxshi bilasiz, yarim finalga yo'llanma olgan to'rtta terma va beshinchi terma bilan birgalikda Kolumbiya davlatida o'tadigan futzal bo'yicha Jahon chempionatiga yo'llanmani qo'lga kiritadi. Ya'ni, bizning qit'amizaga beshta o'rin berilgan.
Chorak finalda yutqazgan termalar musobaqani tark etmaydi. Aniqrog'i, yutqazgan jamoalar mos ravishda ikki juftlikka bo'linib, yana bir marta o'z oamadlarini sinab ko'rishadi. Yutqazganlar juftligida g'olib chiqqan yana ikki jamoa bir-biri bilan yana o'zaro kurash olib boradi. G'olib beshinchi yo'llanmani qo'lga kiritadi.
Demak, bugun O'zbekiston terma jamoasi Iroqqa qarshi o'yin o'tkazadi. Bellashuv soat 16.00da Yunusoboddagi "O'zbekiston" ssport-majmuasida bo'lib o'tadi. Barcha ishqibozlarni ushbu o'yinda termamizni qo'llab-quvvatlashga chorlab qolamiz. Zero, bugun Jahon chempionati yo'llanmasi o'ynaladi.
Ushbu tur anonsi bilan tanishing: Chorak final 17.02.2016   16:00 O'zbekiston -:- Iroq   16:00 Tayland -:- Avstraliya   19:00 Eron -:- Qirg'iziston   19:00 Yaponiya -:- Vetnam
— deya xabar beradi uff.uz nashri.