Futzal bo'yicha o'tayotgan Osiyo chempionatida hal qiluvchi onlar boshlandi. Bugun chorak final bahslariga start beriladi va O'zbekiston terma jamoasi Iroqqa qarshi maydonga tushadi.
Ushbu uchrashuv natijasiga ko'ra JCh yo'llanmasi hal bo'ladi. Jamoalar uchrashuvni quyidagi tarkibda boshlaydilar. Quyida o'yin tafsilotlari bilan tanishib borishingiz mumkin.
Futzal, Osiyo chempionati
Chorak final
O'zbekiston - Iroq - 3:0. Live
Gol: Dilshod Rahmatov 18, Nodir Eliboev 31, 39
O'zbekiston: Rustam Umarov, Dilshod Rahmatov, Farhod Abdumavlonov, Artur Yunusov, Konstantin Sviridov
Zaxira: Dilshod Irsaliev, Nodir Eliboev, Feruz Faxriddinov, Davron Choriev, Javlon Anorov, Andrey Shlema, Jamoliddin Sharipov, Akmaljon Xazratqulov, Klim Tyugaev
Iroq: Muhammad Nur, Xussayn Ali Muhammad, Xasan Al Jabbor, Rafid Hamid, Volid Xolid
Zaxira: Mustafo Bachay, Firas Muhammad, Abulfadhel Abbos, Salim Faysal, Mohir Fadxil, Amjad Karim, Umar Sabti, Saif Abdulmalik
0'. Jamoalar maydonga chiqib kelishdi. Chigil yozdi mashqlari boshlanmoqda.
0'. Muxlislarga respekt!  Ular nafaqat O'zbekiston terma jamoasini, balki maydonga tushib kelgan Iroq termasini ham munosib tarzda qo'lladilar. Albatta "O'zbekiston" degan hayqiriqlar balandroq chiqdi.
1'. O'yin boshlandi.
2'. Artur Yunusov raqib hujumchisiga zarba yo'llash imkonini bermadi. Muxlislar "Artur" deya uni qo'llamoqdalar. Hozircha teng kurash. 3'. Mendez maydonga ikkinchi to'rtlikni tushirishga qaror qildi. O'tgan o'yinlarda bu uslub samara keltirgan edi.
4'. Javlon Anorov uzoqdan yo'llagan zarbani darvozabon bartaraf etdi. 4'. Rustam Umarov yana "katta sahnada". Darvozabonimizdan uchrashuvdagi ilk seyv.
6'. Ogohlantirish. Jamoliddin Sharipov raqib tomonidan yiqitilgan edi, ammo hakam uni simulyatsiyada aybladi va sariq kartochka ko'rsatdi.
6'. Rustam Umarov navbatdagi xavfli vaziyatni bartaraf etdi. Buning uchun darvozadagi o'rnini tashlab chiqishiga to'g'ri keldi.
6'. Yana Rustam Umarovning nomini tilga olsak, ensangiz qotsa kerak. Ammo majburmiz. Hozircha jamoamizdan faqat u eng yaxshilardan bo'lib turibdi. Ketma ket amalga oshirilayotgan seyvlar bunga guvoh... 9'. Iroooqqq! Yommoon o'ynashmoqda. Hozir darvozabon Rustam Umarov ham bizni qutqarib qolmagan bo'lardi. Baxtimizga Salim Faysal bizni kechirdi. U bo'sh qolgan darvoza sari yo'llagan zarba ancha noaniq.
11'. Raqib darvozaboniga tibbiy yordam ko'rsatilmoqda. Dabdurustdan mazasi qochib qolganiga qaraganda, dardi og'ir shekilli... 16'. Iroqning navbatdagi futzalchisiga tibbiy yordam ko'rsatilmoqda. Kimdir aytsin ularga futzalda vaqt cho'zib bo'lmasligini... 16'. Himoyamiz tahlikada. Iroq navbatdagi marta gol urishga juda yaqin kelgan edi. Bu safar ham omadimiz keldi. Gol o'tkazmaslik borasida albatta...
16'. Mendez bir daqiqalik "taym aut" oldi. Foyda berar...
16'. Futzalchilarimiz qulay nuqtadan jarima zarbasi tepdilar. Afsuski Dilshod Rahmatov yo'llagan zarba darvoza ustuniga tegib qaytdi. Yunusov pas bermagan jamoadoshiga e'tiroz bildirmoqda. 17'. Rustam Umarov yana bir xavfli vaziyatni bartaraf etdi. Tafsilotlarga to'xtalmaymiz. Chunki Rustam bunaqa ishni birinchi marta uddalamayapti. 18'. Gooollll! 18'. Dilshod Rahmatov uzoqdan zarba yo'llab, darvozanign to'qqizligini nishonga oldi. Chiroyli gol!
20'. O'yin asabiy ruhda davom etmoqda. Birinchi bo'lim tugashini kutmoqdamiz. 20'. Birinchi bo'lim yakuniga etdi. Hozircha hammasi bizning foydamizga... 21'. Ikkinchi bo'lim boshlandi.
22'. Hozircha ko'z tegmasin, futzalchilarimiz faol. 24'. Iroq futzalchilari asabiylasha boshladilar. Raqib tarkibida o'zaro e'tiroz bildirishlar boshlandi. 25'. Davron Choriev ayyorona yo'llagan zarba biroz noaniq bo'lib chiqdi. 26' Artur Yunusovni yiqitishgani uchun jarima zarbasi belgilandi. Raqib himoyachisiga sariq kartochka ko'rsatildi. Ammo jarima zarbasi samara keltirmadi. 27'. Arturni yana yiqitishdi. Bu safar darvozabon Muhammad Nur sariq kartochka, oldi. Jarima zarbasi esa yana besamar. 31'. Gooollll!!!! 31'. Aslida golga tamal toshini Dilshod Irsaliev qo'ydi. Uning kuchli va aniq zarbasini darvozabon Muhammad Nur maydondan chiqarib yuborgandi. Burchak to'pidan so'ng Nodir Eliboev hisobni oshirdi. 33'. Sal qolishiga sal qoldi. Dilshod Rahmatov kutilmaganda jarohat oldi va to'p uchun kurashishni to'xtatib qo'ydi. Iroqliklar esa olijanoblikni ortiqcha bilib, hujumni davom ettirayotgandilar, baxtimizga Yunusov to'pni raqibdan olib qo'yib, maydon tashqarisiga chiqarib yubordi. 39'. Gooooollll!!!!! 39'. Dilshod Rahmatov qarshi hujumda yakkama yakka vaziyatga chiqib bordi va ajoyib uslubda darvozabonni aldab o'tib, juda chiroyli gol kiritdi. 40'. O'yin tugadi. G'aaalabaaaa!!!!!
— deya xabar beradi uff.uz nashri.