Kecha Evro-2016 saralashining barcha guruh o'yinlari nihoyasiga etdi va yakuniy reyting jadvali tuzib chiqildi. Endi, mana shu reytingga ko'ra, musobaqaning final qismiga qur'a tashlash marosimi bo'lib o'tadi.
Birinchi savatchadan mezbon sifatida Frantsiya termasi va amaldagi Evropa chempioni Ispaniya termasi o'rin egallaydi. Bundan tashqari, reytingi bo'yicha eng yaxshi to'rtta terma ham 1-savatchadan joy oladi.
Demak, savatchalar bilan tanishing:
1-savatcha:
Frantsiya, Ispaniya, Germaniya, Angliya, Portugaliya, Belgiya
2-savatcha:
Italiya, Rossiya, Shveytsariya, Avstriya va Xorvatiya. Bundan tashqari, agar Bosniya va Gertsegovina termasi g'alaba qozonsa, shu savatga tushadi.
3-savatcha:
Chexiya, Polsha, Ruminiya va Slovakiya. Bundan tashqari, agar pley-offni yuta olsa Ukraina va Shvetsiya termalari ham shu savatchaga tushadi
4-savatcha:
Turkiya, Islandiya, Uels, Albaniya va Shimoliy Irlandiya. Bundan tashqari, agar pley-offni yuta olishsa Vengriya, Daniya, Irlandiya, Norvegiya va Sloveniya termalari o'rin egallashadi.
Pley-offda Daniya, Irlandiya, Norvegiya va Sloveniya termalari saralanmaganlar savatchasiga tushsa, Ukraina, Shvetsiya, Bosniya va Gertsegovina hamda Vengriya termalari saralanganlar savatchasidan joy olishadi.
Eslatib o'tamiz, Turkiya 3-o'rinlarni qo'lga kiritgan eng yaxshi terma sifatida Evro-2016ga to'g'ridan-to'g'ri yo'l oldi. Chunki, I guruhida beshta jamoa bo'lgani bois, barcha guruhlardagi 3-o'rinni olgan termalardan bos ravishda so'nggi o'rinni olgan jamoa bilan o'zaro o'yinlar ochkosi minus qilinadi. Pley-off bosqich qur'asi 18 oktyabr kuni bo'lib o'tadi.
— deya xabar beradi uff.uz nashri.