O'zbekiston Superkubogi uchun "Paxtakor" va "Nasaf" o'rtasida kechgan o'yindan so'ng (0:1) "sherlar" bosh murabbiyi No''mon Hasanov raqibni g'alaba bilan tabrikladi.
- Avvalo futbolchilarimga ham rahmat aytmoqchiman.  Ular qo'llaridan kelguncha harakat qilishdi.  O'yin taqdirini biitta gol hal qildi. "Nasaf"ni g'alaba bilan tabriklayman.
-  Jamoa etakchilarining o'rni sezildimi?
- Albatta. Jamoamizni etakchi futbolchilar tark etgani o'z ta'sirini ko'rsatmay qolmadi. Biroq tarkibimizda yosh futbolchilar bor va ularga ham qachondir imkon berish kerak edi. Umid qilaman, ular asta sekin o'z tajribalarini oshirib borishadi
 
- Artur Gevorkyanning o'yini avvaldan ma'lum edi. Nega shuni bila turib, unga qarshilik qila olmadingiz?
- To'g'ri. Gevorkyan juda kuchli futbolchi. Bugun negadir Masharipovning o'yini chiqmadi. Biz oxirigacha o'yini ochilib ketishini kutdik, biro bu sodir bo'lmadi. Gol bo'lgan vaziyatda ham u o'z vaqtida etib kela olmadi.
- Sergeevning o'yini haqida nima deya olasiz?
- Igor juda intiluvchan o'yinchi. U hamisha jamoaga yordam berish uchun bor kuchi bilan harakat qildi, biroq bugun  uning ham omadi chopmadi. Kerakli vaziyatda kerak joyda bo'la olmadi.  Bugungi o'yin Paxtakorning Osiyo chempionlar ligasida o'yiniga albatta, ta'sir ko'rsatmay qolmaydi. Biroq biz bu vaziyatdan chiqib ketishga harakat qilamiz. Hujum chizig'ida Igor Sergeev va Suhrob Berdievdan boshqa arzirli hujumchi yo'q. Boshqa futbolchilarni ham kuzatib boryapmiz, biroq hozircha asosiy hujumchilarimiz ana shu ikki o'yinchi hisoblanadi. Ilgari Temur Hakimov bor edi, biroq u ham jamoani tark etdi. Buning asosiy sababi o'yin amaliyotiga ega bo'lish.

— deya xabar beradi uff.uz nashri.