Madridning "Real" klubi hujumchisi Krishtianu Ronaldu "Roma"ga (2:0) qarshi EChL pley-off uchrashuvida maydonga tushdi va zargarona gol muallifi bo'ldi.
Ushbu o'yin portugaliyalik futbolchi uchun Chempionlar ligasi musobaqasining pley-off bahsidagi 56-o'yin sifatida tarixga kirdi. Xuddi shu ko'rsatkichga avval "Barselona" futbolchisi Xavi sazovor bo'lgandi.
Darvoqe, Ronaldu EChL pley-off bahslarida gollar urish bo'yicha mutloq chempion hisoblanadi. Uning hisobida 40ta gol bor. Boshqa hech kim hali shuncha gol ura olmagan.
— deya xabar beradi uff.uz nashri.