“Panatinaikos” klubi hamda Gana terma jamoasi yarim himoyachisi Maykl Essen faoliyatini Xitoyda davom ettirish taklifidan bosh tortgan. Bu haqida transfermarketweb.com portali xabar tarqatdi. Manbada aytilishicha, xitoylik klub 33 yoshli futbolchi uchun 3 million evrodan voz kechishga tayyor bo'lgan. Biroq, o'yinchining o'zi moliyaviy jihatdan anchagina foydali taklif kelib tushganiga qaramay, rad javobini bergan. Aytish joizki, xavbekning “Panatinaikos” bilan kelishuvi 2017 yilning yoziga qadar mo'ljallangan. Essen joriy mavsum boshidan buyon “Panatinaikos” sharafini himoya qilib kelmoqda. Futbolchi Gretsiya chempionatining 11ta o'yinida maydonga tushib, bitta golga mualliflik qilgan. Ilgari ganalik o'yinchi “Lion”, “Chelsi” hamda “Milan” klublarida to'p surgan.
— deya xabar beradi uff.uz nashri.