Tavsiya qilamiz:
UzBARCA.COM - FC Barcelona Muxlislar sayti !!!
" Real madrid " muxlislari sayti !!!
"FUTBOL TV " Yangiliklar !!
" Real madrid " muxlislari sayti !!!
"FUTBOL TV " Yangiliklar !!
Baxtiyor Ashurmatov: Qosimov «Andijon»da ishlasa, bundan barcha xursand bo'lardi (InterFUTBOL blogi)
O'tgan yili oliy ligadagi o'rnini zo'r-bazo'r saqlab qolgan «Andijon» yangi mavsumga tayyorgarlik jarayonini Toshkentda davom ettiryapti. Klub rahbariyati tomonidan Baxtiyor Ashurmatov bosh murabbiy etib tayinlandi. Unga shu paytgacha O'FF Terma jamoalar markazi xalqaro bo'limida ishlab kelgan Shuhrat Maqsudov ko'mak bermoqda.
Tabiiyki, yig'in doirasida o'rtoqlik uchrashuvlari tashkil etilyapti. Bu o'yinlarda yangi futbolchilar ham sinab ko'rilyapti. Xususan, darvozabonlar - Xurshid Xo'jaev va Akmal Tursunboev «burgutlar» bilan shartnoma imzolashdi. Xo'jaev o'tgan mavsum «Navbahor», Akmal Tursunboev esa «Paxtakor» darvozasini qo'riqlagandi. «Olmaliq» himoyachisi Azamat Isroilov ham yangi mavsumni «Andijon»da boshlaydi. Biz navbatdagi mashg'ulotlardan so'ng Baxtiyor Ashurmatovdan maxsus intervyu oldik.
- Jamoani mavsum boshlanishiga bir oy vaqt qolganida qabul qilib oldingiz. Bu biroz kech emasmi? Umuman, «Andijon» taklifi nimasi bilan ma'qul tushdi?
- «Andijon» rahbariyati tomonidan taklif bo'lgach, viloyat futboli rahbarlari bilan uchrashdik. Unda so'nggi yillarda Andijonda futbol saviyasi keskin tushib ketgani, jamoa qayd etayotgan natijalar o'ta qoniqarsiz ekanligi, aslida viloyat ahli millionlar o'yinini yaxshi ko'rishi, lekin umumiy holat ularni aslo xursand qilmayotgani aytildi. Mening zimmamga jamoani bu vaziyatdan olib chiqish, muxlislarni yana stadionga qaytarish vazifasi yuklatildi. O'ylab ko'rganimdan so'ng bir to'xtamga kelib, jamoa rahbarlariga ijobiy javob qaytardim.
Haqiqatan ham, vodiyda futbolni juda yaxshi ko'rishadi. Deylik, muxlislar tashrifi bo'yicha ham vodiy jamoalari etakchi. Eng asosiy vazifamiz - muxlislarning «Andijon»ga nisbatan ishonchini qaytarish. Ha, aytganingizdek, mavsum boshlanishiga oz fursat qoldi. Futbolchilarni jalb qilish bo'yicha muammolarga uchrayapmiz. Chunki saviyali yigitlar allaqachon klublar bilan shartnoma imzolab ulgurishdi. Shunday bo'lsada, jamoamiz rahbariyati yangi futbolchilarni taklif etish va ularni ko'rikdan o'tkazishda bizni qo'llab-quvvatlayapti, yordam beryapti. Jamoa o'yinini kuchaytiradigan futbolchilarni topsak, ular bilan shartnoma tuzamiz. Qolaversa, «Andijon»da yosh iqtidorlar etarli. Ularni to'g'ri tarbiyalash kerak. Bu borada yoshlar oldiga 3-4 nafar tajribali futbolchi olishimiz maqsadga muvofiq. Boisi, oliy liga taqvimi «Andijon» uchun ancha murakkab kelgan. Shunga qaramay, vaziyatdan chiqishimiz shart. Yig'inimizda oliy ligada o'ynash bo'yicha katta tajribaga ega va bizga yordam berishga qodir futbolchilar ishtirok etishyapti.
- Ishlaydigan siz va tabiiyki, natijaga o'zingiz javob berasiz. Shu ma'noda klub rahbariyati oldiga o'ziga yarasha talab va shartlaringizni qo'ydingizmi?
- O'zim tarkibda ko'rishni istagan futbolchilar bilan muzokara o'tkazishga imkon darajasida sharoit yaratib berishyapti. Hozir oldimda turgan asosiy vazifa - tarkibni shakllantirish va jamoaviy o'yinni yo'lga qo'yish. Lekin yaxshi saviyadagi futbolchi topish muammo tug'diryapti.
- O'tgan mavsum o'rinbosarlar tarkibida o'ynagan yigitlar orasida «asosiy»ga tortadiganlari bormi?
- Albatta, o'rinbosarlar tarkibida iste'dodli o'yinchilar ko'p. Ular ham mavsumga jiddiy tayyorgarlik ko'rishyapti. Lekin gapning ochig'i, xato qilishga haqqimiz yo'q. Jamoaning o'rinbosarlar tarkibi, tayyorlov guruhlari bilan to'liq tanishib chiqishim uchun vaqt kerak. Hozir buning mavridi emas. Zero, bor e'tiborimni asosiy tarkibga qaratganman. Birinchi davrada baribir, tajribali o'yinchilarga tayanishga majburman. Harqalay, tavakkal qilolmayman. Mavsum boshida kerakli ochkolar yig'ib olishimiz kerak. O'z navbatida, yoshlarga ham e'tibor beramiz, albatta. Viloyatning yana bir klubi - «UzDongJu»da ham iqtidorli futbolchilar bor. Ularni nazardan chetda qoldirmaymiz. Xullas, vaqt o'tishi bilan asosiy e'tibor mahalliy yoshlarga qaratiladi.
- Mavsum startiga qadar qanday rejalar bor?
- Toshkentdagi yig'inimiz 20 fevralgacha davom etadi. 22-sanada Andijonda yig'ilamiz. U erda qiladigan ishlarimiz bisyor. Jamoa muxlislari bilan uchrashishimiz kerak. Andijonda ham kamida bitta o'rtoqlik uchrashuvi tashkillash rejamizda bor. Keyin 1 martdan bevosita «Paxtakor»ga qarshi kechadigan ilk o'yinga tayyorgarlik ko'ramiz.
- Ha, taqvim «Andijon» uchun noqulay: 1-turdayoq Toshkentda amaldagi chempionga qarshi o'ynaysizlar. Kuchli bosimga shaxsan o'zingiz tayyormisiz?
- Ochig'i, jamoada ish boshlaganimdan keyin do'stlarimdan ko'p qo'ng'iroqlar bo'ldi. Ular «Andijon»ni 5-turdan keyin qabul qilib olsangiz yaxshi bo'lardi», qabilida gapirishdi. Lekin biz ushbu murakkab vaziyatdan chiqishga harakat qilamiz. Agar mavsum startidagi shu 5ta murakkab o'yindan muvaffaqiyatli o'tib olsak, marra bizniki. Ungacha tarkibimiz shakllanib, jamoaviy o'yin yo'lga tushib qolardi. O'zbekiston kubogiga ham alohida e'tibor qaratamiz. To'g'risi, yigitlar ruhini ko'tarish maqsadida o'rtoqlik o'yinlari natijasiga jiddiy qarayapmiz. Har bir g'alaba futbolchilarda ishonch yanada oshishiga xizmat qiladi. Hozirning o'zidan xarakterni shakllantirib bormasak, mavsum davomida qiynalib qolamiz. Afsuski, jamoani kech qabul qilib oldim. Bir oy juda oz muddat. O'zi bu paytda jamoa o'zagi aniqlanishi kerak. Bizda esa hali futbolchilarni ko'rikdan o'tkazish jarayoni davom etyapti. Shunisi eng katta muammo.
- Jamoa stadioni maydonining holati bilan tanishdingizmi?
- Klub rahbariyati bilan uchrashuv chog'i bu masalani ham ilgari surdim. Mavsum boshlanguniga qadar maydonni yaxshi holatga keltirishga va'da berishdi. Axir sifatsiz maydonda sifatli futbol namoyish etish mushkul.
- Murabbiylar shtabida Shuhrat Maqsudov ishlayapti. Bu sizning tanlovingizmi yoki rahbariyat shuni istadi?
- Jamoa rahbarlari menga ishonch bildirib, murabbiylar shtabini o'zim shakllantirishim mumkinligini aytishdi. Shu bois, o'zim bilgan va birga ishlagan murabbiylar - Zohid Nurmatov, Kamol Jo'nashev va Shuhrat Maqsudovni taklif qildim. Rahbarlar ham bu qarorimni qo'llab-quvvatlashdi.
- «Andijon»da Mirjalol Qosimovning maslahatchi-murabbiy sifatida ishlashi haqida gap-so'zlar urchidi. Bu qanchalik haqiqatga yaqin?
- Agar Mirjalol aka Andijonga kelsa, bundan nafaqat men yoki klub rahbariyati, balki butun viloyatdagi muxlislar xursad bo'lishardi. Endi bu borada Mirjalol akaning fikrlarini bilish kerak.
Davomi InterFUTBOL gazetasi blogida.
— deya xabar beradi uff.uz nashri.
Tabiiyki, yig'in doirasida o'rtoqlik uchrashuvlari tashkil etilyapti. Bu o'yinlarda yangi futbolchilar ham sinab ko'rilyapti. Xususan, darvozabonlar - Xurshid Xo'jaev va Akmal Tursunboev «burgutlar» bilan shartnoma imzolashdi. Xo'jaev o'tgan mavsum «Navbahor», Akmal Tursunboev esa «Paxtakor» darvozasini qo'riqlagandi. «Olmaliq» himoyachisi Azamat Isroilov ham yangi mavsumni «Andijon»da boshlaydi. Biz navbatdagi mashg'ulotlardan so'ng Baxtiyor Ashurmatovdan maxsus intervyu oldik.
- Jamoani mavsum boshlanishiga bir oy vaqt qolganida qabul qilib oldingiz. Bu biroz kech emasmi? Umuman, «Andijon» taklifi nimasi bilan ma'qul tushdi?
- «Andijon» rahbariyati tomonidan taklif bo'lgach, viloyat futboli rahbarlari bilan uchrashdik. Unda so'nggi yillarda Andijonda futbol saviyasi keskin tushib ketgani, jamoa qayd etayotgan natijalar o'ta qoniqarsiz ekanligi, aslida viloyat ahli millionlar o'yinini yaxshi ko'rishi, lekin umumiy holat ularni aslo xursand qilmayotgani aytildi. Mening zimmamga jamoani bu vaziyatdan olib chiqish, muxlislarni yana stadionga qaytarish vazifasi yuklatildi. O'ylab ko'rganimdan so'ng bir to'xtamga kelib, jamoa rahbarlariga ijobiy javob qaytardim.
Haqiqatan ham, vodiyda futbolni juda yaxshi ko'rishadi. Deylik, muxlislar tashrifi bo'yicha ham vodiy jamoalari etakchi. Eng asosiy vazifamiz - muxlislarning «Andijon»ga nisbatan ishonchini qaytarish. Ha, aytganingizdek, mavsum boshlanishiga oz fursat qoldi. Futbolchilarni jalb qilish bo'yicha muammolarga uchrayapmiz. Chunki saviyali yigitlar allaqachon klublar bilan shartnoma imzolab ulgurishdi. Shunday bo'lsada, jamoamiz rahbariyati yangi futbolchilarni taklif etish va ularni ko'rikdan o'tkazishda bizni qo'llab-quvvatlayapti, yordam beryapti. Jamoa o'yinini kuchaytiradigan futbolchilarni topsak, ular bilan shartnoma tuzamiz. Qolaversa, «Andijon»da yosh iqtidorlar etarli. Ularni to'g'ri tarbiyalash kerak. Bu borada yoshlar oldiga 3-4 nafar tajribali futbolchi olishimiz maqsadga muvofiq. Boisi, oliy liga taqvimi «Andijon» uchun ancha murakkab kelgan. Shunga qaramay, vaziyatdan chiqishimiz shart. Yig'inimizda oliy ligada o'ynash bo'yicha katta tajribaga ega va bizga yordam berishga qodir futbolchilar ishtirok etishyapti.
- Ishlaydigan siz va tabiiyki, natijaga o'zingiz javob berasiz. Shu ma'noda klub rahbariyati oldiga o'ziga yarasha talab va shartlaringizni qo'ydingizmi?
- O'zim tarkibda ko'rishni istagan futbolchilar bilan muzokara o'tkazishga imkon darajasida sharoit yaratib berishyapti. Hozir oldimda turgan asosiy vazifa - tarkibni shakllantirish va jamoaviy o'yinni yo'lga qo'yish. Lekin yaxshi saviyadagi futbolchi topish muammo tug'diryapti.
- O'tgan mavsum o'rinbosarlar tarkibida o'ynagan yigitlar orasida «asosiy»ga tortadiganlari bormi?
- Albatta, o'rinbosarlar tarkibida iste'dodli o'yinchilar ko'p. Ular ham mavsumga jiddiy tayyorgarlik ko'rishyapti. Lekin gapning ochig'i, xato qilishga haqqimiz yo'q. Jamoaning o'rinbosarlar tarkibi, tayyorlov guruhlari bilan to'liq tanishib chiqishim uchun vaqt kerak. Hozir buning mavridi emas. Zero, bor e'tiborimni asosiy tarkibga qaratganman. Birinchi davrada baribir, tajribali o'yinchilarga tayanishga majburman. Harqalay, tavakkal qilolmayman. Mavsum boshida kerakli ochkolar yig'ib olishimiz kerak. O'z navbatida, yoshlarga ham e'tibor beramiz, albatta. Viloyatning yana bir klubi - «UzDongJu»da ham iqtidorli futbolchilar bor. Ularni nazardan chetda qoldirmaymiz. Xullas, vaqt o'tishi bilan asosiy e'tibor mahalliy yoshlarga qaratiladi.
- Mavsum startiga qadar qanday rejalar bor?
- Toshkentdagi yig'inimiz 20 fevralgacha davom etadi. 22-sanada Andijonda yig'ilamiz. U erda qiladigan ishlarimiz bisyor. Jamoa muxlislari bilan uchrashishimiz kerak. Andijonda ham kamida bitta o'rtoqlik uchrashuvi tashkillash rejamizda bor. Keyin 1 martdan bevosita «Paxtakor»ga qarshi kechadigan ilk o'yinga tayyorgarlik ko'ramiz.
- Ha, taqvim «Andijon» uchun noqulay: 1-turdayoq Toshkentda amaldagi chempionga qarshi o'ynaysizlar. Kuchli bosimga shaxsan o'zingiz tayyormisiz?
- Ochig'i, jamoada ish boshlaganimdan keyin do'stlarimdan ko'p qo'ng'iroqlar bo'ldi. Ular «Andijon»ni 5-turdan keyin qabul qilib olsangiz yaxshi bo'lardi», qabilida gapirishdi. Lekin biz ushbu murakkab vaziyatdan chiqishga harakat qilamiz. Agar mavsum startidagi shu 5ta murakkab o'yindan muvaffaqiyatli o'tib olsak, marra bizniki. Ungacha tarkibimiz shakllanib, jamoaviy o'yin yo'lga tushib qolardi. O'zbekiston kubogiga ham alohida e'tibor qaratamiz. To'g'risi, yigitlar ruhini ko'tarish maqsadida o'rtoqlik o'yinlari natijasiga jiddiy qarayapmiz. Har bir g'alaba futbolchilarda ishonch yanada oshishiga xizmat qiladi. Hozirning o'zidan xarakterni shakllantirib bormasak, mavsum davomida qiynalib qolamiz. Afsuski, jamoani kech qabul qilib oldim. Bir oy juda oz muddat. O'zi bu paytda jamoa o'zagi aniqlanishi kerak. Bizda esa hali futbolchilarni ko'rikdan o'tkazish jarayoni davom etyapti. Shunisi eng katta muammo.
- Jamoa stadioni maydonining holati bilan tanishdingizmi?
- Klub rahbariyati bilan uchrashuv chog'i bu masalani ham ilgari surdim. Mavsum boshlanguniga qadar maydonni yaxshi holatga keltirishga va'da berishdi. Axir sifatsiz maydonda sifatli futbol namoyish etish mushkul.
- Murabbiylar shtabida Shuhrat Maqsudov ishlayapti. Bu sizning tanlovingizmi yoki rahbariyat shuni istadi?
- Jamoa rahbarlari menga ishonch bildirib, murabbiylar shtabini o'zim shakllantirishim mumkinligini aytishdi. Shu bois, o'zim bilgan va birga ishlagan murabbiylar - Zohid Nurmatov, Kamol Jo'nashev va Shuhrat Maqsudovni taklif qildim. Rahbarlar ham bu qarorimni qo'llab-quvvatlashdi.
- «Andijon»da Mirjalol Qosimovning maslahatchi-murabbiy sifatida ishlashi haqida gap-so'zlar urchidi. Bu qanchalik haqiqatga yaqin?
- Agar Mirjalol aka Andijonga kelsa, bundan nafaqat men yoki klub rahbariyati, balki butun viloyatdagi muxlislar xursad bo'lishardi. Endi bu borada Mirjalol akaning fikrlarini bilish kerak.
Davomi InterFUTBOL gazetasi blogida.
— deya xabar beradi uff.uz nashri.
Bosh sahifaga
642