“Real” klubi sobiq bosh murabbiyi Rafael Benites madridlik klub va “Barselona” o'rtasidagi raqobat haqida gapirib o'tdi. “Ispaniyada o'z o'yin uslubiga ega bo'lgan “Barselona” bilan kurashishga to'g'ri keladi. Ammo “Real” har yili murabbiylarni o'zgartiradi, shuning uchun doim boshidan boshlashga majbur. Shu sabab “Barselona” so'nggi 7 unvondan 5tasini yutishga muvaffaq bo'ldi, Madrid klublari esa — bittadan. “Barselona” so'nggi 8 yil ichida 6 martta Ispaniya Kubogi finaliga chiqdi, jamoa so'nggi vaqtlarda “Real”dan ikki barobar ko'p unvon qo'lga kiritgan. Barqarorlik, izchillik – bu muvaffaqiyat kaliti deb hisoblayman. Peres nimanidir o'zgartirishga harakat qilyapti, echim izlayapti, ammo “Barselona” g'alaba qozonishda davom etayapti”, — dedi Benites.
— deya xabar beradi uff.uz nashri.