“Lokomotiv” – “Al-Ittixod” o'yiniga 6 kun vaqt qoldi. 23 fevral – seshanba kuni 15:00 ga tayin qilingan bellashuv avstraliyalik hakam Benjamin Jon Uilyamsning hushtagi bilan boshlanadi. Unga qanotlarda hamyurtlari Natan Aleksandr Makdonald hamda Eshli Uorvik Bichem yordam berishadi. OFK chempionlar ligasining mazkur o'yiniga iroqlik Alaa Obid Al-Qodirni nazoratchi etib belgiladi. Uchrashuv komissari Maldivdan – Ahmad Shahir. Benjamin Jon Uilyamsni futbol muxlislarimiz yaxshi tanishadi. U O'zbekiston klublari va terma jamoalari ishtirokidagi 14 ta bellashuvni boshqarib borgan. Shularning 6 tasida bizning jamoalar imkoniyatni boy bergan bo'lishsa, ko'rsatkichning teng yarmida zafar quchishgan. Avstraliyalik referi “Lokomotiv” ishtirokidagi faqatgina 1 ta o'yinda ishlagan va u 2015 yilning 17 mart sanasiga to'g'ri keladi. Hakam Toshkentga tashrif buyurgan uchrashuvlarida vakillarimiz mag'lub bo'lishmagan. Jumladan, “Lokomotiv”ning 23 fevral kungi raqibi “Al-Ittixod”ning poytaxtimizdagi Uilyams bilan bog'liq ikkita bellashuvi bor. Bu safar jiddaliklar uchinchi sinovdan o'tishadi. 23 fevral, 2016. “Lokomotiv” stadioni (15:00)
LOKOMOTIV (O'zbekiston) – AL-ITTIXOD (Saudiya Arabistoni)
Hakamlar: Benjamin Jon Uilyams, Natan Aleksandr Makdonald, Eshli Uorvik Bichem (barchasi Avstraliyadan), Hanna Hattob (Suriya).
Nazoratchi: Alaa Obid Al-Qodir (Iroq).
Komissar: Ahmad Shahir (Maldiv).
— deya xabar beradi uff.uz nashri.