«Milan» yarim himoyachisi Kevin-Prins Boateng JCh-2010 oldidan Mixael Ballakka jarohat etkazib, mundialda ishtirok etish imkoniyatidan mahrum etganida Germaniya terma jamoasining ba'zi futbolchilari rahmat aytishganini oshkor etdi.
"O'sha jarohatdan so'ng odamlar meni ataylab Ballakni sindirishda ayblagan edilar. Ammo bu ahmoqona gap va uni aytganlar hech qachon futbol o'ynab ko'rishmagan. Bunday ko'ngilsizlik har bir o'yinda bo'ladi.
Eng qizig'i, Ballakni safdan sifarganimdan so'ng Germaniya terma jamoasining ba'zi futbolchilari menga rahmat aytishgan edi. Ballakni termada unchalik yoqtirmas edilar. Ammo ko'pchilik, shu jumladan men ham u JChda o'ynay olmasligidan xursand bo'lmaganmiz. Biroq ba'zilar usiz yaxshi bo'lishini aytishgan.
Men Ballak bilan ilk marta janjallashib qolganimda endi 18 yoshga to'lgan edi. U bilan maydonda janjallashib qoldik va Mixael mening oyog'imni bosib: "Ovozingni o'chir. O'zingni kim deb o'ylayapsan?" deb aytgandi. Men esa: "O'zing kimsan?" deganman. U: "Men yulduzman", degach, "hatto yulduzlar ham vaqti kelib so'nadi", - deganman", - deya tafsilotlarni ma'lum qiladi Boateng.
Eslatib o'tamiz, Boateng 2010 yilda "Portsmut" tarkibida o'ynagan va Angliya Kubogi finalida "Chelsi"ga qarshi kechgan bahsda Ballakka jarohat etkazgan edi.
— deya xabar beradi uff.uz nashri.