Braziliya terma jamoasi sobiq hujumchisi Ronaldo zamonaviy futbolning eng kuchli hujumchilarini aytib o'tdi.
"Ayni vaqtda dunyoning eng kuchli hujumchisi? Men faqat bir kishining nomini ayta olmayman. Ular - Robert Levandovski, Luis Suares va Karim Benzema. Men uchun ularning saviyasi bir xilda.
Men bilan birga o'ynagan eng kuchli futbolchilar borasida ham aytish qiyin. Men dunyoning eng kuchli o'yinchilari bilan birga to'p surganman. Shunday ekan, butun boshli ro'yxat tuzishim va shunda ham adashib ketishim turgan gap. Chunki mening do'stlarim va jahon chempionlarining barchasi unga sig'may qoladi.
Bir o'ylaganda esa yodimga Nesta, Zanetti, Pirlo, Maldini, Figu, Raul, Badjo va Stoichkovlar kelmoqda. Yana ko'plab juda kuchli futbolchilar bor. Ular bilan turli klublarda va Braziliya terma jamoasida birga o'ynaganman. Ko'rib turganingizdek, bu yulduzlarning son-sanog'i yo'q", - deydi Ronaldo.
— deya xabar beradi uff.uz nashri.