Bugun Dyusseldorf Gran-Prisi boshlanadi. Bu haqida O'zbekiston Milliy Olimpiya Qo'mitasi rasmiy saytida xabar berilgan.
2016 yilning 19-21 fevral kunlari Germaniyaning Dyusseldorf shahrida dzyudo kurashi bo'yicha Gran Pri turkumiga kiruvchi yirik xalqaro turnir o'tkaziladi.
Dunyoning 90 davlatidan kelgan jami 612 nafar sportchi ishtirokida o'tkaziladigan mazkur yirik xalqaro musobaqada 2016 yilning 5-21 avgust kunlari Rio-de-Janeyro shahri (Braziliya)da o'tkaziladigan XXXI yozgi Olimpiada o'yinlarining yo'llanmalari uchun reyting ochkolar ham o'ynaladi.
Mazkur Gran Pri turnirida Vatanimiz sharafini Diyorbek O'rozboev (-60 kg), Rishod Sobirov (-66 kg), Mirali Sharipov va G'iyosjon Boboev (-73 kg), Shahzod Sobirov (-81 kg), Dilshod Choriev (-90 kg), Soib Qurbonov (-100 kg) va Abdullo Tangriev (+100 kg) himoya qiladilar. Shavkat Jalilov
Manzil: O'zbekiston Milliy Olimpiya qo'mitasi matbuot xizmati

— deya xabar beradi uff.uz nashri.