Myunxenning "Bavariya" jamoasi yarim himoyachisi Arturo Vidal "Yuventus"ga qarshi kechadigan EChL 1/8 final olididan o'zining fikrlari bilan o'rtoqlashdi. Chililik futbolchi sobiq jamoasiga qarshi hech narsani ayab o'tirmasligini ta'kidladi.
"Bu o'ziga xos o'yin bo'ladi, sababi men "Yuventus"da to'rt yil ajoyib mavsumni o'tkazdim. Ammo, hozir "Bavariya" futbolchisiman. "Yuve"ni engish va keyingi bosqichga chiqish uchun uchun hayotimni berishga roziman", - deydi Vidal. Eslatib o'tamiz, birinchi o'yin 23 fevral kuni Turinda bo'lib o'tadi.
— deya xabar beradi uff.uz nashri.