Bir necha yil avval hech kim tanimagan “Lester” jamoasi hujumchisi Jeymi Vardini bugungi kunda ko'pchilik futbol ihlosmandlari yaxshi taniydi.  Angliyalik futbolchi Gollivud rejissyorlar e'tiborini ham o'ziga qaratdi. Ma'lumotlarga qaraganda, AQShda 29 yoshli futbolchining faoliyati haqida film suratga olinadi. Filmda hujumchining havaskor ligadan  Premer-ligaga qanday qilib chiqqanligi va muvaffaqiyatga erishish sirlari haqida so'z boradi. Jeymi Vardi rolini Lui Tomlison yoki Zak Efron o'ynashi kutilmoqda. Hujumchining o'zi esa uning rolini sobiq futbolchi va aktyor Vinni Jons ijro etishini xohlamoqda.   
— deya xabar beradi uff.uz nashri.