AQSh terma jamoasi bosh murabbiyi Yurgen Klinsmann iste'foga chiqmasligiga ishonchi komil ekanini aytib o'tdi. Eslatib o'tamiz, AQSh terma jamoasi 2017 yilda Rossiyada bo'lib o'tadigan Konfederatsiyalar Kubogida ishtirok etish huquqini Meksikaga boy bergan edi (2:3). Boz ustiga Kosta-Rikaga qarshi kechgan o'rtoqlik o'yinida ham 0:1 hisobida mag'lubiyatga uchragach, murabbiy iste'foga chiqishi haqida xabarlar paydo bo'lgan.
"Bizda yorqin damlar ko'p bo'ldi. 2012, 2013 va 2014 yillarda ko'plab g'alabalarga erishdik.
Hozir biroz yomg'irli kunlarda qolganmiz va bundan o'tib olishimiz shart. Iste'fo haqidagi gaplar paydo bo'layotganining qo'rqinchli joyi yo'q. Men avval ham bu erga AQSh futboliga manfaat keltirish uchun kelganimni aytganman", - deydi Klinsmann.
— deya xabar beradi uff.uz nashri.