Madridning «Real» klubi hujumchisi Benzemaning do'sti Zenati ozodlikka chiqarildi. U «Lion» yarim himoyachisi Mate Valbuenaga nisbatan videolavha yordamida tovlamachilik qilgani uchun qamoqqa olingan edi.
Biroz vaqt muqaddam aynan shu ishda ayblangan yana uch kishi qamoqdan chiqarib yuborilgandi. Ammo bu borada surishtiruv ishlari davom etmoqda va to'rt ayblanuvchiga o'zaro muloqotda bo'lish ta'qiqlangan.
Eslatib o'tamiz, Zenatining iltimosiga ko'ra Benzema Valbuenaga murojaat qilgan va unga tovlamachilarga pul to'lashni maslahat bergan edi. Buning uchun futbolchi 5 yilgacha ozodlikdan mahrum etilishi mumkin edi. Frantsiya futbol federatsiyasi prezidenti Noel Le Gre shu sababli Benzemani vaqtincha terma jamoadan chetlatgan.
— deya xabar beradi uff.uz nashri.