Niderlandiya terma jamoasi hujumchisi Robin van Persi Evropa chempionati uchun o'tkazilgan saralashda Chexiya terma jamoasidan mag'lubiyatga uchragach (2:3) termadagi faoliyatini yakunlash niyatida emasligini bildirdi.
Eslatib o'tamiz, Niderlandiya terma jamoasi ushbu mag'lubiyatdan so'ng Evropa chempionati yo'llanmasidan mahrum bo'ldi. Ammo van Persi ushbu muvaffaqiyatsizlikka qaramay termadagi faoliyatini davom ettirmoqchi. Hujumchi Chexiya darvozasiga gol kiritgach, terma jamoadagi gollari sonini 50 taga etkazib olgan edi.
— deya xabar beradi uff.uz nashri.