“Arsenal” jamoasi yarim himoyachisi Jek Uilshir “Barselona”ga qarshi EChL 1/8 finali javob o'yinida maydonga qaytishi mumkin. Bu haqida futbolchining o'zi ma'lum qilgan. “Men “Kamp Nou”da bo'lib o'tadigan o'yinda maydonga qaytishni o'z oldimga maqsad qilib qo'ydim. Bu qiyin, ammo, bajarib bo'lmas vazifa emas”, - deydi angliyalik yarim himoyachi. Qayd etish joiz, jarohati tufayli 24 yoshli futbolchi joriy mavsumda biror marta ham maydonga tushmagan. Eslatib o'tamiz, “Arsenal” va “Barselona” o'rtasidagi dastlabki uchrashuv Londonda, 24 fevral kuni bo'lib o'tadi. Javob o'yini esa Barselona shahrida, 17 mart kuni bo'lib o'tishi rejalashtirilgan. 
— deya xabar beradi uff.uz nashri.