Ispaniya chempionati 25-turida Madridning "Rayo Valekano" jamoasi o'z maydonida "Sevilya"ga qarshi kuch sinashdi. Kurashlarga bosh kechgan o'yinda 2:2 hisobi qayd etildi. Uchrashuvning 10-daqiqasida Nzonzi hisobni ochgan bo'lsa, 20-daqiqada Iborra andalusiyaliklarning ikkinchi goliga mualliflik qildi. Bo'lim yakuniga etay degan bir vaqtda Manucho oradagi farqni biroz qisqartirdi. Ikkinchi bo'limning 62-daqiqasida Miku hisobni tenglashtirdi va jamoalar jangovar durang qayd etishdi. Ispaniya chempionati, 25-tur Rayo Valekano — Sevilya 2:2
Gollar: Manucho, 43, Miku, 62 - Nzonzi, 10, Iborra, 20
Rayo Valekano: Korral, Tito, Ze Kashtru, Nacho (Manucho, 35), Lorente, Trasorras, Baena (Embarba, 28), Xozabed, Pablo Ernandes, Bebe (Dorado, 78), Miku
Sevilya: Riko, Tremulinas, Fasio, Rami, Koke, Nzonzi, Iborra (Banega, 66), Kristoforo (Karrisu, 66), Kron-Deli, Vitolo (Konoplyanka, 80), Gameyro
Ogohlantirishlar: Baena, Xozabed, Miku, Lorente, Pablo Ernandes — Koke, Banega
— deya xabar beradi uff.uz nashri.