Osiyo chempionati finalida O'zbekiston va Eron terma jamoalari o'rtasida kechgan bahsdan so'ng O'zbekiston terma jamoasi bosh murabbiyi Xose Mendez matbuot anjumanida ishtirok etdi.
- Biz Erondek kuchli jamoaga qarshi ham o'ynay olish mumkinligini isbotlab berdik. Bu esa hal qiluvchi ahamiyatga ega. Biz bu musobaqada erishgan natijamizga hozir tushuna olmayotgan bo'lishimiz mumkin, chunki hissiyotlar jo'sh urmoqda. Ammo ertaga nimalar qila olganimiz va nimalarni amalga oshira olmaganimizni tushunib etishimiz mumkin. Men yigitlarga rahmat aytaman. Biz musobaqa davomida kuchli raqiblarga qarshi o'ynadik. Eron esa ancha oson jamoalar bilan kuch sinashdi. Balki shu sababga ko'ra bugun jismoniy holatimiz u qadar o'zimiz kutgandek bo'lmagan bo'lishi mumkin.
Bugungi o'yindagi shiddatga muxlislarning hissasi katta. Yana takrorlayman, men 20 yillik faoliyatim davomida
- Taqdirlash marosimi davomida Jahongir Usmonov bilan gaplashdingiz va muxlislar tomon qarab, nimalarnidir gaplashdingiz? Sir bo'lmasa o'sha suhbat mavzusini ayta olasizmi? Boisi shundaki, o'sha vaqtda xuddi muzokara kechgandek bo'ldi...
Sir emas. Jahongir Usmonov bilan suhbatimiz o'yin haqida bo'ldi. Gap shundaki. Eronga qarshi kechgan bahsda biroz kontsentratsiyani yo'qotib qo'ygandik va gol o'tkazib yubordik. Mana shunday xushyorlikni yo'qotmaslik kerakligi haqida suhbat olib bordik.
- Jamoangiz o'yin boshida u qadar kuchli o'yin namoyish etmadi va bora bora kuchayib bordi. Bu avvaldan o'ylanganmidi?
- Eron terma jamoasi ilk daqiqalarda o'z o'yinini namoyish eta olmasa, keyin shashti pasayib qolishini bilgan edik. Raqib avvalgi o'yinlarda tezkor gol urib olgach. ketma ket darvozani ishg'ol etishga tushib ketardi. Aksincha, o'z o'yinini topa olmasa muammolarga duch kelishini bilardik. Eron so'nggi daqiqalarga qadar durangdan qo'rqib o'ynadi.
- Tailand terma jamoasi bosh murabbiyi hakamlar tayinlanishi va musobaqa taqvimidan norozilik bildirdi. Bu borada fikringizni bilmoqchi edik.
- Ochig'i, hakamlar qanday tayinlanishini bilmayman. Shuningdek taqvim borasida ham hech qanday ma'lumotga ega emasman. Men faqat o'yinga boraman va raqibga qarshi kurash olib boraman.  Shunday bo'lsada o'z fikrimni bildiraman. O'tgan 2012 yilgi Osiyo chempionatiga qaraganda bu safargi musobaqada yo'llanmalarni taqsimlash ancha adolatli tarzda o'tkazildi. O'tgan safargi qit'a birinchiligida beshinchi yo'llanma uchun alohida o'yinlar o'tkazilmasdan. to'plar nisbatiga asoslanib JCh ishtirokchisi aniqlangan edi.
— deya xabar beradi uff.uz nashri.