Kecha saytimiz orqali O'zbekiston Kubogi-2015 finali chiptalari bugun soat 12:00da to'xtatilishi haqida xabar bergan edik. Haqiqatan chiptalarning sotuvi aytilgan vaqtda to'xtatilgan.
Ammo ko'satilgan vaqtda chipta xarid qilishga ulgurmagan  juda ko'p vohalik muxlislar “Nasaf” PFKga chipta so'rab murojaat qila boshlashgan. Klub tijorat bo'limi talablarni o'rganib chiqib, “Sug'diyona” stadioni rahbariyati bilan o'zaro kelishgan holda yana Qarshi shahrida chiptalar sotuvini davom etirishga kelishib olishgan.
Shunday qilib, chiptalar sotuvi “Markaziy” stadion qoshidagi 3-chiptaxona orqali davom ettiriladi. Ammo bu hohlagan paytda chipta mavjud bo'ladi degani emas. Chunki ushbu finalga muxlislarning qiziqishi har doimgidan yuqori. Shuning uchun finalni bevosita Jizzax shahridagi “Sug'diyona” stadionida tomosha qilishni hohlagan futbol ishqibozlari chipta xarid qilishda faolroq bo'lishlariga chaqirib qolamiz. Eslatib o'tamiz, Qashqadaryolik muxlislar uchun ajratilgan chiptalarning yarmidan ko'pi kechaning o'zida sotib bo'lingan edi.
Muxlislarga chiptalarni faqat  chiptaxonalardan xarid qilishlarini tavsiya qilamiz.
— deya xabar beradi uff.uz nashri.