Avval xabar qilganimizdek, bugun erta tongda charter reys orqali Qarshidan Saudiya Arabistonining Jidda shahriga yo'l olgan “Nasaf” futbol klubi delegatsiyasi tushdan keyin belgilangan manzilga etib kelishdi.

Qirol Abdulaziz xalqaro aeroportida jamoamiz delegatsiyasin “Al Ahli” klubi vakillari o'ziga xos ehtirom bilan kutib olishdi. Jidda shahridagi “Radisson” mehmonxonasiga joylashgan futbolchilarimiz ayni paytda mashg'ulot o'tkazish uchun belgilangan maydonga yo'l olishdi.

Eslatib o'tamiz, “Nasaf” futbolchilari 24 fevral, chorshanba kuni OChL 1-turi doirasida Jiddada “Al Ahli” jamoasi bilan kuch sinashishadi. Uchrashuv Toshkent vaqti bilan soat 22:10 da boshlanadi.
— deya xabar beradi uff.uz nashri.