«Roma» klubi sobiq himoyachisi Yon Arne Riise rimliklar faxriy futbolchisi Franchesko Totti va bosh murabbiy Luchano Spallettining munosabatlari haqida to'xtalib o'tdi. Bilasiz, 39 yoshli futbolchi o'ziga kam o'yin amaliyoti berilayotganidan norozi bo'lmoqda.
«Totti o'zi uchun alohida munosabat talab qiladimi? Men "Roma"da o'ynagan paytlarim buni sezmaganman. O'shanda maydonga Totti tushsa, hammamiz uchun yaxshi bo'lardi. Chunki biz u bilan o'zimizni xotirjam his etardik.
U mashg'ulotda ham, o'yin paytida ham o'z ishini barcha bilan bir qatorda amalga oshirar edi. Men "Roma"ga o'tgunga qadar ham u haqda ko'p narsalar bilardim, keyin esa bu fikrlarim o'z isbotini topdi. U juda xushchaqchaq, mehribon va hamisha ko'makka tayyor turadi.
"Roma"ni qirolsiz tasavvur qilish qiyin!» — Riisening so'zlaridan iqtibos keltirmoqda, Goal nashri.
— deya xabar beradi uff.uz nashri.