O'tgan yili “Nasaf” ham Jiddaning “Ahli” klubi bilan to'qnash kelgandi. Qur'a ularni 2016 yilda ham bir guruhga joylashtirdi. Jiddaliklar bilan 1-turda mehmonda o'ynaydigan jamoamiz uchun uchrashuv oson kechmasligi turgan gap. Shunday bo'lsa-da, qarshiliklardan shijoatli o'yin kutishga haqlimiz.

“AL AHLI” FUTBOL KLUBI
Laqabi: “Sovrinlar qasri”, “millat vakili”
Tashkil etilgan yili: 1937 yil
Stadioni: “Qirol Abdulloh sports siti”, 62 ming muxlisga mo'ljallangan.
Boshqaruvchisi: Fahad bin Xolid
Boshmurabbiyi: Kristian Gross (Shveytsariya)
Sovrinlari: Saudiya chempioni (1978, 1984), Valiahd Shahzoda Kubogi sohibi (1957, 1970, 1998, 2002, 2007, 2015), Qirol Kubogi g'olibi (1962, 1965, 1969, 1970, 1971, 1972, 1977, 1978, 1979, 1983), Chempionlar Qirol Kubogi sohibi (2011, 2012), Federatsiya Kubogi g'olibi (2001, 2002, 2007, 2012, 2013).

“Al Ahli” Jiddaning o'zida ham sovrinlarni qo'lga kiritish borasida “Al Ittihod”dan ortda qolib ketgan. Lekin ushbu klub Saudiyadagi dastlabki va katta tarixga ega jamoalardan biri hisoblanadi. 1984 yildan buyon ichki chempionatda g'alaba qozona olmayotgan bo'lishiga qaramay, mamlakatning etakchi klublaridan biri bo'lib turibdi. 2012 yil jamoa OChLda finalgacha etib borgan va hal qiluvchi bellashuvda imkoniyatni boy berib qo'ygandi.

Jidda shahrida yangi qurilgan “Qirol Abdulloh sports siti” stadioni ishga tushirilgach, “Ahli”ning uy o'yinlarini stadiondan kuzatib boradigan muxlislar soni keskin ortdi. Ayni paytda o'rtacha 35-40 ming nafar ishqiboz har bir bahsga tashrif buyurmoqda. Chempionatdagi markaziy uchrashuvlarga esa 60 mingdan ziyod ishqibozlar kelishi odatga aylandi. Bu tarafdan “Ahli”ga havas qilmasdan boshqa iloj yo'q.

Bosh murabbiy lavozimida shveytsariyalik Kristian Gross ishlab kelmoqda. U “Bazel”dagi uzoq muddatli faoliyati bilan ko'pchilikka yaxshi tanish. Jamoa bilan birga EChLda esda qolarli g'alabalarni nishonlagan. Gross boshchiligida “Bazel” katta o'sishga erishdi. U “Al Ahli”da ikki yildan beri ishlab kelyapti. Hozircha bitta kubokda muvaffaqiyat qozonishga ulgurdi.


Kristian GROSS

Tug'ilgansanasi: 14.08.1954

Tug'ilganjoyi: Tsyurix, Shveytsariya

Futbolchilikdagiampluasi: himoyachi

O'ynaganjamoalari: 1973-1975 “Grasxoppers”, 1975-1978 “Lozanna”, 1978-1980 “Ksamaks”, 1980-1982 “Boxum”, 1982-1985 “Sankt Gallen”, 1985-1988 “Lugano”.
Boshqargan jamoalari: 1988-1993 “Vil”, 1993-1997 “Grasxoppers”, 1997-1998 “Tottenxem”, 1999-2009 “Bazel”, 2009-2010 “Shtutgart”, 2011-2012 “Yang Boyz”,

2014 yildan “Al Ahli”da.

Sovrinlari(murabbiy sifatida): Shveytsariya Kubogi g'olibi (2001-02, 2002-03, 2006-07, 2007-08), Shveytsariya chempioni (2001-02, 2003-04, 2004-05, 2007-08).

Jamoa tarkibida milliy terma jamoaga nomzod 4-5 nafar futbolchi mavjud. Legionerlar esa Braziliya, Misr, Gretsiya va Suriyadan taklif etilgan. Markino, Fetfatsidis va Omar Soma asosan hujum chizig'ida harakat qiladi. Soma jamoa safida deyarli har bir bahsda bittadan to'p kiritib kelyapti. Misrlik himoyachi Muhammad Abdul Shafi esa Misr terma jamoasi tarkibida Afrika Kubogida g'alaba qozongan va asosiy futbolchilardan biri hisoblanadi. Fetfatsidis va Markino yaqingacha ham Italiya “A” seriyasida o'ynab kelishayotgandi.

Darvozabonlar
1. Yosir Musaylim
22. Abdulloh Mayouf
44. Ahmad Ruhailli
66. Bosim Atolloh

Himoyachilar
2. Ali Zubaydi
3. Osama Havsavi
6. Muhammad Fatil
13. Muhammad Abdul Shafi (Misr)
21. Agil Balg'ait
25. Motaz Havsavi
26. Muhammad Aman
31. Mansur Harbi
77. Amiri Kurdi
99. Komil Musa

Yarim himoyachilar
4. Volid Baxshin
5. Fahad Hamad
8. Taysir Jassim
10. Jiannis Fetfatsidis (Gretsiya)
11. Husayn Mugahvi
16. Mahir Otman
18. Abdulloh Mutairi
19. Rayan Musa
24. Salman Moasher
40. Raed Gamdi
47. Mustafo Bassas
70. Markino (Braziliya)

Hujumchilar
9. Omar Soma (Suriya)
14. Mohannad Assiri
15. Solih Amri
20. Islom Seraj
23. Yosir Fahmi
— deya xabar beradi uff.uz nashri.