"Barselona" hamda "Sevilya" klublari o'rtasidagi Ispaniya kubogi musobaqasining final o'yini 22 may kuni Madrid shahridagi "Visente Kalderon" stadionida bo'lib o'tadi. Bu qarorni Ispaniya futbol federatsiyasi qabul qildi. Yaxshi bilasiz, ushbu o'yingohda "Atletiko" uy uchrashuvlarini o'tkazadi.
Aslida, "Barselona" o'yinni "Santyago Bernabeu"da o'tkazishni xohlayotgandi, ammo 21 may kuni "Qirollik klub" stadionda qo'shiqchi Bryus Springstin katta kontsert beradi.
Eslatib o'tamiz, "Visente Kalderon" stadioni 52 ming muxlisni o'z bag'riga sig'dira oladi.
— deya xabar beradi uff.uz nashri.