Yangi mavsumga hozirlik ko'rayotgan Toshkentning “Obod” klubi ayni paytda BAAning Sharja shahrida yig'in o'tkazmoqda. Oliy liganing yangi a'zosi mazkur yig'in mobaynida sinov-nazorat bahsida maydonga tushishga ham alohida e'tibor qaratmoqda. Kuni kecha “Obod” Xitoyning “Xanchjou Grintaun” klubi bilan o'rtoqlik o'yini o'tkazdi. Tim Kexillni tarkibga qo'shib olgan klub bilan kechgan mazkur bahs 2:2 hisobida yakun topdi. “Obod” tarkibida Alisher Azizov hamda Sanjar To'raqulov to'p kiritishgan bo'lsa, Xitoy klubi safida Angan dubl qayd etdi. Bundan oldin ham Oliy liga debyutanti Xitoyning “Beyjing Goan” klubi bilan murosa yo'lini tanlagan edi.
— deya xabar beradi uff.uz nashri.