Madridning “Real” jamoasi hujumchisi Krishtianu Ronaldu futbolchilik faoliyatini yakunlaganidan so'ng o'zini kinoaktyor sifatida sinab ko'rishini aytib o'tdi. “O'zimni Gollivud filmlarida sinab ko'rishim mumkinmi? Nega endi yo'q? Hozircha bunday vazifani o'z oldimga maqsad qilib qo'ymaganman, ammo, bu borada menga takliflar kelib tushgan. Hozioga hayot tarzim bilan buni uddalash qiyin bo'ladi. Chunki, mashg'ulotlar va o'yinlar juda ko'p. Kelajakda bu menga qiziq bo'ladi. Menimcha, asosiy rolni ijro eta olmasam kerak. Ikkinchi darajali rolni ijro etish ham qiyin bo'ladi. Aktyorlik mahoratini tajribali aktyorlardan o'rganishim kerak. Bu sohada yuqori natijaga erishish uchun ko'p ishlash talab etiladi. Futbolchi va aktyor orasida farq juda katta deb o'ylayman. Aktyor – chiroyli va murakkab kasb sanaladi. Umuman olganda esa, ertami-kechmi, katta kinoda rol o'ynashimga ishonaman. Kichik rollarda o'zimni sinab ko'raman. Qolganini keyin ko'ramiz”, - deydi portugaliyalik futbolchi. 
— deya xabar beradi uff.uz nashri.