Osiyo chempionlar ligasining "A" guruhidan o'rin olgan "Lokomotiv" va "Al-Ittihod" jamoalari o'rtasidagi o'yindan oldin matbuot anjumani o'tkazildi. Uning ikkinchi qismida “temiryo'lchilar” bosh murabbiyi Andrey Miklyaev va futbolchi Temur Kapadze ishtirok etdi.
“Barchani yangi mavsum boshlanishi bilan tabriklayman. Yangi mavsumga yaxshi tayyorlandik, yig'inlar o'tkazdik. Raqiblarnini o'rgandik. Uyda faqat g'alaba qozonishimiz kerak. Ertaga asosiy vazifa — raqibga nisbatan eng kamida bitta ko'proq gol urish.
O'yin uslubimizni saqlab qoldik, unga ko'p o'zgartirishlar kiritmadik. O'tgan yilgi ishtirokimizdan xulosa qilgan holda, ayrim nuqtalarni kuchaytirdik, ba'zi yangi jihatlarni qo'shdik. Qanday o'zgarishlar ekanini va ular qay darajada naf keltirishini ertangi o'yin ko'rsatadi.
"Al-Ittihod"ning 4 nafar legionerini bilamiz. Ularning venesuelalik hujumchisi 17ta gol urgan. Shuningdek, yarim himoya chizig'ida tajribali ruminiyalik 35 yoshli futbolchi o'ynaydi bor.
Ta'kidlaganimdek, raqib o'yinlarini ko'rib chiqdik. Balki, ular ham bizning o'yinlarimizni ko'rgandir. Har holda yig'in davomida ular bilan bitta mehmonxona yashagandik.
Ushbu musobaqada kuchsiz jamoa yo'q. Barcha g'alaba uchun kurashadi. Biz bundan xavotir olmayapmiz. O'tgan yilgi ishtirokimizdan to'g'ri xulosa chiqarganmiz. Hozirda biz har qanday jamoaga qarshi o'yinga tayyormiz. Asosiy maqsad - guruh bosqichidan chiqish”, — deydi Andrey Miklyaev.
— deya xabar beradi uff.uz nashri.