Londonning "Arsenal" klubi hujumchisi Olive Jiru "Barselona"ga qarshi kechadigan qarama-qarshilik oldidan o'z fikrlari bilan o'rtoqlashdi. – Bizda "Barselona"ni taslim etish uchun kerakli xislatlar mujassam.Bu qarama-qarshilik avvalgilardan ancha farq qiladi. "Arsenal" 100 foiz e'tiborini ispanlarga qarshi o'yinga qaratishi lozim. Biz o'z rejamiz doirasidan chiqmagan holda, dunyoning eng kuchli jamoasiga munosib qarshilik ko'rsatishga astoydil harakat qilamiz, – deya Jiruning so'zlarini keltiradi El Mundo Deportivo nashri. Eslatib o'tamiz, "Arsenal" – "Barselona" o'yini seshanbadan chorshanbaga o'tar tunda, Toshkent vaqti bilan soat 00:45da boshlanadi.
— deya xabar beradi uff.uz nashri.