Ertaga Osiyo chempionlar ligasi doirasida Toshkentning "Paxtakor" klubi "Al Hilol" mehmoni bo'ladi. O'yindan oldingi matbuot anjumanida "Al Hilol" bosh murabbiy Giorgos Donis bilan hujumchi Yosir Al Qahtoni o'z fikrlarini bildirdi.
Giorgos DONIS ("Al Hilol" bosh murabbiyi): - Jamoamiz ligada oldiga katta maqsadlarni qo'yamiz. O'tgan yil yarim finalda oxirgi soniyalarda gol o'tkazib finalga chiqa olmagandik. Bu yil yana finalga chiqishga urinamiz. “Paxtakor”ning o'yinlarini ko'rib chiqdik. Superkubok uchun bahsni ham tomosha qildik. Jamoa ancha kurashuvchan va harakatchan. Ertangi bahs qiziqarli bo'ladi deb o'ylayman. Ertaga bo'shashishga haqqimiz yo'q. “Paxtakor” o'z uyida o'ynaydi.
Safimizda bir qator yo'qotishlar bor. 4 nafar o'yinchimiz jarohat olgan. Biz qiyin davrni boshdan o'tkazayapmiz. “Paxtakor”ga qarshi o'yindan keyin “Al Ittihod”ga qarshi maydonga tushamiz. Bu deyarli derbiga teng bahs bo'ladi.
Bizda bir futbolchi etakchi deb o'ylamayman. Jamoaviy o'yin bizda kuchli. Karlos Eduardo yaxshi o'ynamoqda. Ammo uni ham jamoaning yaqqol etakchisi deya olmayman.
Yosir Al QAHTONI ("Al Hilol" hujumchisi): - “Paxtakor”ning katta tarixga ega ekanligini bilamiz. Tarkibda bir qator kuchli futbolchilar bor. Maqsadimiz Chempionlar ligasini g'alaba bilan boshlash. Shu bois bor kuchimiz bilan o'ynab keyingi bosqichga chiqishga urinamiz. “Paxtakor”ga qarshi juda ko'p o'ynaganman. Oldin jamoa juda kuchli edi. Hozir tarkibda o'zgarishlar bo'lgan. Ertaga oson o'yin kutayotganim yo'q. Maydonning har bir qarichi uchun kurashamiz, shundagina 3 ochkoga ega bo'lishimiz mumkin.
— deya xabar beradi uff.uz nashri.