«Roma» klubi sobiq bosh murabbiyi Zdenek Zeman Franchesko Totti va Luchano Spalletti o'rtasidagi munosabatlarga o'z fikrini bildirdi.
«Totti – bor ekan, «Roma» bor. Francheskoning 20 yil ichida qilgan xizmati hech kimning qo'lidan kelmaydi.
U hamisha «Roma» uchun 100 foiz tayyor turardi, uni jamoadan ayro tasavvur qilish mumkin emas. Tottining aslida kimligini bilmasdan vaysayotgan odamlarning gaplari asabimni qo'zityapti. Ular nimani ham bilishardi?
Shaxsan o'zim hali u uchun barchasi tugadi, deb hisoblamayman. Ha, murabbiy bo'lish qiyin, biroq ular ham adashishadi», – dedi Zeman.
Eslatib o'tamiz, «Palermo» bilan o'yindan so'ng 39 yoshli futbolchi jarohatdan qutilgan bo'lishiga qaramay, maydonga tushirmayotgan Spallettini tanqid qilgan edi.
Shundan so'ng Spalletti Tottini tarkibdan chiqarib, uyiga jo'natib yuborgan.
— deya xabar beradi uff.uz nashri.