"Barselona" hujumchisi Lionel Messi Chempionlar ligasi 1/8 finalida "Arsenal"ga qarshi kechgan uchrashuvda ikkita gol urib, jamoasining 2:0 hisobidagi g'alabasiga sababchi bo'ldi.
Shu tariqa argentinalik hujumchi faoliyatida ilk marta Petr Chex darvozasini ishg'ol etishning uddasidan chiqqan. Bunga qadar Messi 6 uchrashuvda Chexga gol ura olmagan edi. Darvozabon bu o'yinlarni "Chelsi" tarkibida o'tkazgan.
Messining Petr Chex darvozasiga yo'l topa olmasligi esa umumiy hisobda 10 soatu, 11 daqiqani tashkil etgan.
— deya xabar beradi uff.uz nashri.