“Tottenxem” jamoasi hujumchisi Xarri Keyn “Kristal Pelas”ga qarshi (0:1) Angliya Kubogi nimchorak finalida jarohat oldi. Bu haqda The Telegraph xabar bermoqda. Ma'lumotlarga qaraganda, angliyalik futbolchi burnidan jarohat olgan. Endilikda u maxsus niqobda maydonga tushadi. Jarohati tufayli Keyn “Fiorentina”ga qarshi EL 1/16 final javob o'yinini o'tkazib yuborishi mumkin. Joriy mavsumda 22 yoshli hujumchi jamoasining 37 o'yinida maydonga tushib, 19 ta gol va 2 ta golli uzatmani o'z hisobiga yozib qo'ygan.  
— deya xabar beradi uff.uz nashri.