Ronaldo – bu nomni eshitgan ayrim yoshroq futbol muxlislarining ko'z oldida portugaliyalik futbolchi gavdalanishi mumkin. Ammo yoshi biroz kattaroq bo'lgan «millionlar o'yini» ixlosmandlari bu nomni eshitgan zahoti «fenomen» laqabli Ronaldoni eslashlari muqarrar. FIFA versiyasi bo'yicha 3 marta «dunyoning eng yaxshi futbolchisi»ga aylangan «so'yloq» futbol olamida o'z nomini zarxal xarflar bilan qoldira olgan. Uning ajoyib fintlari, aql bovar qilmas darajadagi tezligi asosiy quroli bo'lgan. Ronaldoni yoshligidayoq Pelega qiyoslashgandi. U bu nomni ma'lum darajada oqlashga ham muvaffaq bo'lgan.
Ronaldo – birvarakayiga «Barselona», «Real», «Inter», va «Milan» klublarida o'ynagan yagona futbolchi hisoblanadi. U har bir derbida bu jamoalarning har biriga gol urishga ham muvaffaq bo'lgan.
Har yilgi so'rovlardan so'ng Ronaldo 10 yil davomida stabil ravishda Braziliyadagi eng mashxur insonlarning beshligiga kirgan. Bu ro'yxatdan yana Braziliya prezidenti va milliy terma jamoa murabbiyi ham o'rin olgan. Afsuski jarohatlar, Ronnining hayotining bir bo'lagiga aylanadi va uni yanada buyuk cho'qqilarga erishishiga to'sqinlik qiladi. Shunday bo'lsa ham qo'lga kiritgan sovrinlarining son-sanog'i yo'q. To'g'ri u Evropa klublarining eng nufuzli musobaqasi hisoblanadigan Chempionlar ligasida zafar qucha olmadi. Futbolchi bu haqda shunday degan edi: «Ha, men Chempionlar ligasini yuta olmadim, lekin meni nolishga haqqim yo'q. Mening faoliyatimni bundan zo'r bo'lishini tasavvur ham qila olmayman». Darhaqiqat, Ronaldoning erishgan yutuqlariga faqatgina xavas qilish mumkin. Axir u ikki karra jahon chempioni bo'lgan.
Men ushbu futbolchining o'yinlarini yoshligimdan sevib tomosha qilganman. U haqidagi har qanday ma'lumotlarni yig'ib borishga harakat qilar edim. Shu bois uning hayoti va futbolchilik faoliyatini yoritishga qaror qildim.   
Bolaligi
 
Jahon futbolida o'ziga hos nom va o'yin uslubiga ega bo'lgan braziliyalik Ronaldoning asl ism-sharifi Luiz Nazario de Limadir. U 1976 yilning 22-sentyabrida Rio-de-Janeyro yaqinida joylashgan Bento Ribeyro shahrida tavallud topgan. Unga otasi tug'ruqni qabul qilgan akusher – Ronaldo Valente shahrafiga Ronaldo deb ism bergan. Futbolchining otasi mahalliy telefon kompaniyasida ishlar, onasi esa farroshlik qilardi. Oilada Ronaldodan tashqari uning akasi Nelino va opasi Ione ham bo'lgan. Ular Ronaldoni «Dadado» deb chaqirishardi. Ronaldo ham ko'plab futbol yulduzlari singari kambag'al oilada katta bo'ladi. Uning bolaligi og'ir kechadi. U doimo kulib turardi, shuning uchun ham o'zlari yashagan kvartal axolisi uni juda yaxshi ko'rardi.
Davomi Furqat Yusupov blogida.
— deya xabar beradi uff.uz nashri.