Qarshining "Nasaf" klubi safarda OChL 1-turidan o'rin olgan o'yinda "Al-Ahli" jamoasiga qarshi maydonga tushadi. Ro'ziqul Berdiev shogirdlari bugun qiyin sinovdan o'tishlari kerak bo'ladi. "Al-Ahli" Saudiyaning kuchli klublaridan biri hisoblanadi. Shu sababli qarshiliklarga bugun oson bo'lmasligi aniq. Hozircha, Osiyo Chempionlar ligasida qatnashayotgan uchta klubimiz Saudiya Arabistoni jamoalariga qarshi maydonga tushib, faqat durang qayd etishdi. Ko'ramiz, bugun "Nasaf" ushbu an'anani davom ettiradimi yoki birinchi g'alabani qo'lga kiritadimi? Buni vaqt ko'rsatadi. Biz mazkur sahifa orqali o'yinni matnli tarzda onlayn translyatsiya qilib borishga harakat qilamiz.
OChL, 1-tur
"Al-Ahli" (S.Arabistoni) - "Nasaf" (O'zbekiston) 2:1 Gol: Muhammad Fatil (2), Omar Soma (47) - B.Abduxoliqov (29) “Al Ahli”: Abdulloh Mayuf, Volid Baxshin, Fahad Hamad, Muhammad Fatil, Omar Soma, Jiannis Fetfatsidis, Husayn Mugahvi, Islom Seraj, Muhammad Aman, Amiri Kurdi, Komil Musa. Zaxira: 1. Yosir Musaylim, 2. Ali Zubaydi, 8. Taysir Jassim, 15. Solih Amri, 24. Salman Moasher, 31. Mansur Harbi, 70. Markino.
“Nasaf”: Eldorbek Suyunov,Maqsud Karimov, Ildar Mamatkazin, Aziz G'aniev, Shuhrat Muhammadiev, Ilhom Shomurodov, Dilshod Rahmatullaev, Artur Gevorkyan, Erkin Boydullaev, Sherzod A'zamov, Bobur Abduxoliqov. Zaxira: 35. Sanjar Quvvatov, 8.Sirojiddin Qo'ziev, 16.Dilshod Xushbakov, 21.Azamat Allaniyazov, 29.Akbar Murodov, 38.Doniyor Narzullaev, 42.Najmiddin Normurodov. ---------------------------------------------------------------------- 0'. Jamoalar o'yinoldi mashg'ulotlarini olib borishmoqda. 0'. "Qirol Abdulloh Sport Siti" stadioniga tashrif buyurgan kam sonli o'zbekistonlik muxlislar "Nasaf"ni qo'llab quvvatlashga tayyor bo'lib turishibdi. 0'. Har ikki jamoa a'zolari  maydonga chiqib kelishmoqda. 0'. "Nasaf" sardori Artur Gevorkyan "Al-Ahli" sardori bilan birgalikda o'yindan oldingi qur'a tashlash marosimida qatnashdi. Vakillarimiz darvozani tanlash huquqiga ega bo'lishdi. 1'. O'yin boshlandi. 2'. "Nasaf" futbolchilar maydon markazida o'yin qoidasini buzishdi. "Al-Ahli" tezda to'pni o'yinga kiritib, xavfli hujum tashkil etgandi. Baxtimizga maydon egalari aniq harakat qila olishmadi. 2'. GOL! "Al-Ahli" a'zolari burchak zarbasidan keyin uchrashuvda hisobni ochishgan erishdilar. Gol muallifi  - Muhammad Fatil. 4'. Gol o'tkazib yuborgandan keyin Ro'ziqul Berdiev shogirdlari vaziyatni o'nglash uchun harakat qilishmoqda. Ammo hozircha "Al-Ahli" faol harakat qilmoqda. Suyunov darvozasiga yo'llangan navbatdagi zarba noaniq chiqdi. 5'. "Nasaf"ning ilk hujumi muvaffaqiyatsiz yakunlandi. Endi hammasini yana boshidan boshlash kerak. 7'. O'ng qanotdan tashkil qilingan yana bir hujum qarshiliklarga foyda keltirmadi. "Al-Ahli" xotirjamlik bilan o'ynayapti. 7'. Xavli vaziyat! Bobur Abduxoliqov raqib jamoasi sardorining xatosidan keyin darvozabon bilan birga bir chiqib borgandi. Ammo u yakuniy zarbani berishda aniq harakat qilolmadi. 10'. "Nasaf" o'ng qanotdan yana bir xavfli hujum tashkil qildi. Ammo uzatib berilgan to'pni Ilhom Shomurodov egallay olmadi. 15'. O'yin asosan maydon markazida kechmoqda. O'yin tempi u qadar yuqori emas. 17'. "Nasaf" himoyachilari himoyada bir oz tahlika tug'ilishiga sababchi bo'lishdi. Sherzod A'zamov o'ylab o'tirmasdan to'pni maydon tashqarisiga chiqarib yubordi. 19'. Eldor Suyunov to'pni o'yinga kiritayotganda raqib futbolchisi unga halaqit qildi. Hakam bu vaziyatda "Al-Ahli" futbolchisini faqat og'zaki ogohlantirish bilan cheklandi. 21'. "Nasaf"ning hujumi xavfli ko'rinish olishi mumkin edi. Ammo Abdulloh Mayuf o'z vaqtida to'pga chiqib, xavfni bartaraf etdi. 24'. Aziz G'aniev raqibiga nisbatan qo'pol harakat qilib, qoidani buzdi. Uchrashuvni boshqarib borayotgan hakam Sato Yuiji "Nasaf" futbolchisini faqat og'zaki ogohlantirdi. 27'. Ajoyib seyv! Eldor Suyunov raqibning nihoyatda xavfli hujumini bir o'zi qaytarishga muvaffaq bo'ldi. 29'. GOOOOOOLLLL! Bobur Abduxoliqov nihoyat o'z maqsadiga etdi! 31'. Goldan keyin "Nasaf" futbolchilari ancha jonlanishdi. Gevorkyan va G'aniev qanotlarda faol harakat qilishmoqda. 34'. "Nasaf" darvozasi oldida xavfli vaziyat yuzaga kelgandi. Yaxshiyamki, raqib hujumchisi bu imkoniyatdan unumli foydalana olmadi. 37'. To'pga egalik qilish bo'yicha statistika namoyish qilindi. 58 foizga - 42 foiz - maydon egalari foydasiga. 39'. Artur Gevorkyanga nisbatan o'yin qoidasi buzildi. "Nasaf"da gol kiritish uchun qulay vaziyat yuzaga keldi, ammo qarshiliklar bu vaziyatdan unumli foydalana olishmadi. 40'. Azizjon G'aniev qo'polligi uchun sariq kartochka bilan "siylandi". 42'. Birinchi bo'lim oxirlariga kelib maydon egalari yana bosimni kuchaytirishdi. Hozircha "Nasaf" bu bosimga turib bermoqda. 44'. "Nasaf" a'zosi Bobur Abduxoliqov qulay vaziyatga chiqib borayotgandi. Ammo hakam o'yindan tashqari holatni qayd etdi. 45'. "Al-Ahli" jamoasi jarima maydonchasi oldida vakillarimiz raqibga nisbatan qo'pollik ishlatishdi, deb topgan hakam maydon egalari foydasiga jarima zarbasi belgiladi. Birinchi bo'lim o'z nihoyasiga etdi. Tanaffus 46'. Ikkinchi bo'lim boshlandi. "Al-Ahli" tarkibida o'zgarish: Volid Baxshin o'rniga Salmon Muashir maydonga tushdi. 47'. GOL! "Al-Ahli" futbolchisi Omar Soma boshi bilan aniq zarba yo'llab, jamoasini hisobda oldinga olib chiqdi. 49'. "Nasaf" futbolchilarining vazifasi yana qiyinlashdi. "Al-Ahli" esa tezkor hujumlar uyushtirishdan to'xtamayapti. 51'. Husayn Mugahviga nisbatan o'yin qoidasi buzildi. "Al-Ahli" chap qanotdan jarima zarbasini o'yinga kiritadi. 53'. Maydon egalari yana bir xavfli vaziyatni yuzaga keltirishgandi. Yaxshiyamki, bosh hakam o'yindan tashqari holatni qayd etdi. 55'. Dilshod Rahmatullaev raqibiga nisbatan o'yin qoidasini buzdi. Yana bir jarima to'pi. 57'. Xavfli vaziyat! Ketma ket ikki marta! Birinchisida Ilhom Shomurodov birga bir vaziyatda darvozani ishg'ol qila olmadi. Keyingisida burchakdan oshirilgan to'pni Maqsud Karimov darvozaga aniq yo'llay olmadi. 59'. Salmon Muashir chap qanotda juda tezkor o'yin namoyish qilmoqda. Shuhrat Muhammadiev bir amallab to'pni maydon tashqarisiga chiqarib yubordi. 62'. O'h! Juda qo'pol o'yin! "Al-Ahli" futbolchisi Salmon Muashir butsalarini tishi bilan Dilshod Rahmatullaevning boshiga zarba berdi va uning boshini yordi. Ammo yaponiyalik hakam bu vaziyatni ko'rmadi. 63'. Dilshod Rahmatullaevga shifokorlar tibbiy yordam ko'rsatishdi. U boshini bint bilan bog'lab olgan holda, maydonga qaytdi. 65'. Ilhom Shomurodov raqib jarima maydonchasi ichida yiqilib tushdi. Ammo Sato Yuiji o'yin qoidasi buzilmaganini ko'rsatmoqda. 66'. "Al-Ahli" futbolchisi jarohat olib, maydonda yotibdi. Unga tibbiy yordam ko'rsatilmoqda. 67'. "Nasaf" himoyasida sarosima kuzatilmoqda. Qarshiliklar ketma ket qo'pol xatolarga yo'l qo'yishdi. Ammo hammasi biz uchun ijobiy yakunlandi. 69'. Shuhrat Muhammadiev o'ng qanotdan hujum tashkil qilayotgandi. Ammo so'nggi pallada u to'pni oshirishda xatoga yo'l qo'ydi. 76'. Erkin Boydullaevga qizil kartochka! "Nasaf" o'yinning qolgan qismida bir kishi kam bo'lib harakat qiladi. 78'. Gevorkyan uzoqdan darvozaga zarba yo'llab, raqib darvozabonini hushyorligini sinab ko'rishga qaror qilgandi. Ammo uning zarbasiga aniqlik etishmadi. 80'. "Nasaf" futbolchisiga nisbatan qo'pol o'ynaldi. Bu safar hakam faqat og'zaki ogohlantirish bilan cheklanib qo'ya qoldi. 81'. ZARBA! Azamat Allaniyozov qulay vaziyatga chiqib borib, darvozaga zarba yo'lladi. Ammo bu zarba to'g'ri darvozabonning qo'liga borib tushdi. 83'. Bobur Abduxoliqov o'yindan tashqari holatda qolib ketdi. 85'. "Nasaf" yaxshi hujum tashkil qilgandi. Ammo Abduxoliqov shoshqaloqlikka yo'l qo'yib, zarba yo'llashda adashdi. 86'. Husayn Mugahviy Muhammadievga nisbatan ishlatgan qo'polligi uchun ogohlantirildi. 90'. Uchrashuvning asosiy vaqtiga besh daqiqa qo'shib berildi. 90+2. "Nasaf" futbolchilari o'yin qoidasini buzishdi. "Al-Ahli" jarima tepish huquqini qo'lga kiritdi. 90+5. O'yin yakunlandi. "Al-Ahli" o'z maydonida "Nasaf"ni 2:1 hisobida mag'lubiyatga uchratdi.  
— deya xabar beradi uff.uz nashri.