Ayrim futbolchilarga shunchaki, qoyil qolish kerak: ular yashil maydonlarda javlon urish barobarida oliy o'quv yurtlarida tahsil olishga ham ulguradilar. Hattoki, sportga umuman daxli yo'q sohalar bo'yicha oliy ma'lumotga ega yulduzlar ham bor. Marhamat, sportga daxlsiz mutaxassislikka o'qigan 9 nafar serqirra futbolchi bilan tanishing.
1. Andrey ARShAVIN
Arshavin - o'z kasbiga daxli yo'q soha bo'yicha oliy ma'lumotga ega rossiyalik eng taniqli futbolchi. U Sankt-Peterburg Texnologiya va dizayn davlat universitetida tahsil olgan. Ya'ni 2007 yili «Liboslar ishlab chiqarish muhandisi» mutaxassisligi bo'yicha diplom ishini himoya qilgan. Lekin ko'pchilik Arshavinni dizayner sifatida tilga oladiki, bu xato. Andreyning o'zi ham «Men dizayner emas, balki liboslar texnologiman, shunisi to'g'riroq», - deya fikr bildirgandi.
2. Shaka XISLOP
Ehtimol, muxlislar Xislop haqida ko'p eshitishmagandir. Ammo fakt shuki, u APLda o'sha Arshavindan ham ko'proq o'ynagan. Aniqroq aytsak, «Nyukasl», «Vest Xem» va «Portsmut» klublari tarkibida jami 221 marta maydonga tushgan. E'tiborlisi, ushbu posbon APLdagi faoliyati davomida Vashingtonda, o'sha mashhur Xovard universitetida o'qishga vaqt topgan. Xullas, Xislop mashinasozlik sohasida muhandis diplomiga ega. U futbolchilik faoliyatiga MLS ishtirokchisi - «Dallas»da nuqta qo'ydi va Qo'shma Shtatlarlarda qolib, ikkinchi kasbi bo'yicha NASA fazoviy tadqiqot markazi (!)da amaliyot o'tadi.
3. Xuan MATA
Mata Madrid Politexnika universitetining jurnalistika fakultetini tugatgan. Ispaniyadan Angliyaga ko'chib o'tgan yarim himoyachi yana marketing bo'yicha maxsus kurslarda ta'lim oldi. Xuanning ushbu qiziqishlari bejiz emas. Zero, uning amakisi biznes bilan shug'ullanadi. Umuman, aytishlaricha, Marta yangi narsalarni tez o'zlashtiradi. Misol uchun, «Valensiya»dan «Chelsi»ga o'tgach, ingliz tilida bemalol, erkin muloqot qilish darajasiga etish uchun atigi bir yil sarflagan ekan, xolos.
4. Aleksandr KERJAKOV
Ushbu hujumchi 2006 yili qo'liga ilk diplomini olgan. U Lesgaft nomidagi universitetda murabbiylik fakultetini tugatgan. Oradan 3 yil o'tib, Kerjakovga oliy ma'lumot belgisi hisoblangan yana bir hujjat berildi. Bu safar hujumchi qaysi soha bo'yicha o'qish masalasida hattoki, Sankt-Peterburg Muhandislik-iqtisodiyot davlat universiteti rektori bilan maxsus maslahatlashdi. Yakunda «Davlat va munitsipial muassalari boshqaruvi» mutaxassisligini tanladi. Sasha bu qaroriga shunday izoh bergandi: «Men faqat o'zim yoki do'stlarim emas, balki barcha odamlarga naf keltirishni istayman».
5. Tom XEGLI
Odatda futbolchi oldida bitta tanlov ko'ndalang bo'ladi - o'qish yoki sport. Lekin Xegli har ikkisini baravar ushlagan futbolchilardan biridir. Norvegiya terma jamoasi va «Kopengagen» klubi himoyachisi pedogog hisoblanadi. Xullas, unda maktab yoki universitetda dars o'tash imkonini beruvchi maxsus litsenziyasi bor.
6. OLEGER
«Barselona»ning sobiq himoyachisi iqtisodiyot yo'nalishida oliy ma'lumotga ega. U xususan, Kataloniyaning Ispaniyadan ajralib chiqishining foydali tomonlari xususida maqolalar yozadi. Aytishlaricha, Oleger iqtisodiyot va siyosatga shunchalik qiziqqanki, vaqtida o'qishi tufayli «Barselona» mashg'ulotlariga doimo uyqusiragan holda borardi. To'g'ri, u bu borada yolg'iz emasdi. Ya'ni braziliyalik Ronaldino ham mashg'ulotlarda uyqusirab qatnashardi. Faqat, sabab boshqa - u tungi klublarda ko'ngilxushlikni o'rniga qo'yib, uyqudan qolardi.
7. SOKRATES
JCh-82da Braziliya terma jamoasiga sardorlik qilgan Sokrates otasining qistovi bilan tibbiyot sohasida tahsil olgan. To'g'ri, u boshida bunga qarshi borib, futbolni mahkam tutgan. Umuman, Sokratesga «Doktor» laqabi bejiz berilmagan. Asosiysi, futbolchi butsalarini mixga ilgach, Ribeyrau-Pertuda shaxsiy klinika ochgan. U aynan shu munitsipalitetdagi meditsina fakultetida tahsil olgandi. Sokrates 1992 yili ushbu klinikaga umumiy hisobda chamasi 300 ming dollar sarmoya sarflagan. Unda ham professional sportchilar, ham oddiy fuqarolarga birdek xizmat ko'rsatiladi.
Davomi InterFUTBOL gazetasi blogida.
— deya xabar beradi uff.uz nashri.