"Paxtakor" - "Al Hilol" uchrashuvidan so'ng har ikki jamoa murabbiyi matbuot anjumanida fikrlarini bildirib o'tishdi.
- Bugun kuchli klubga qarshi o'ynadik. Ulardan yomon o'ynaganimiz yo'q. Ikkinchi bo'limda to'liq ustunlik biz tomonda bo'ldi. Ammo xatolar oqibatida gollar o'tkazganimiz yomon bo'ldi. Raqib juda kuchli hujum chizig'iga ega ekanligi haqida aytgandim. Kichik xatolardan so'ng ular gollar urishdi.
O'zim “Paxtakor”da o'ynaganman, jonimni berib o'ynardim. Yigitlardan ham buni talab qilaman. Uchrashuvdan oldin shogirdlarim bilan gaplashib olgandik. Bugun zaxiradan tushganlar o'yinni kuchaytirishdi. Birinchi gol o'tkazib yuborganimiz juda yomon bo'ldi. Agar ikkita vaziyatda gol ura olganimizda barchasi boshqacha bo'lardi. Hisobda ortda qolib turib, hisobni tenglashtirish juda qiyin. Katta kuch ketadi. Hisob 2:2 bo'lganida ham qo'limizni tushirmadik, g'alaba uchun o'ynagandik. Saudiya Arabistonida xudo xohlasa g'alaba qozonamiz.
— deya xabar beradi uff.uz nashri.