OChL 1-tur doirasidagi “Al Ahli” – “Nasaf” (2:1) uchrashuvidan so'ng tashkil etilgan matbuot anjumanida “ajdarlar” ustozi Ro'ziqul Berdiev ishtirok etdi va o'yin haqidagi fikrlarini bildirdi.
– “Al Ahli” jamoasini g'alaba bilan tabriklayman. O'yin teng kurashlar ostida kechdi. Bizning durang qayd etishga imkoniyatimiz bor edi. Biroq yaratilgan vaziyatlardan foydalana olmadik. “Al Ahli” jamoasining standart vaziyatlarda kuchli o'ynashini bilardik va aynan shundan xavfsiragandik. Amalda ham ular standart vaziyatlaridan unumli foydalanishdi.
– Sizlarda chempionat hali boshlanmagan. Lekin bugun jamoa yaxshi harakat qildi. Keyingi o'yinlarda jamoangizga omad tilaymiz. Keyingi rejalar haqida aytib o'tsangiz…
– To'g'ri, bizda hali mavsum start olgani yo'q. Chempionat o'yinlari endi boshlanadi. Bizlar bir nechta nazorat o'yinlarida maydonga tushdik. Lekin bugungi o'yin jamoamiz o'ynashga qodir ekanligini ko'rsatdi. Keyingi uchrashuvlarda o'z hisobimizga ochkolar yozib olishni istaymiz. “Nasaf” PFK matbuot xizmati
— deya xabar beradi uff.uz nashri.