"Yuventus" klubi direktorlar kengashi 2015/2016 yilgi mavsumning birinchi qismi uchun moliyaviy hisobotni tasdiqladi.
Unga ko'ra klubning daromadi 204.5 million evroni tashkil etgan. Bir yil muqaddam ushbu ko'rsatkich 156.2 million evro edi. Shu bilan birga harajatlar 140.4 million evrodan iborat bo'lgan.
Shu tariqa "Yuventus" olgan umumiy foyda 38.1 million evroni tashkil etgan, shundan 30.3 million evro toza foyda hisoblanadi. Bir yil muqaddam turinliklar  6.7 million evro zarar ko'rgan edilar.
Shu bilan birga "Yuventus"ning qarzi 188.9 million evrodan 197.3 million evroga oshgani aytilmoqda.
— deya xabar beradi uff.uz nashri.