Yangi mavsum oldidan tayyorgarlik qizg'in kirishgan “Andijon” klubi Toshkentdagi yig'indan qaytgach, yana mashg'ulotlarni boshladi. 24- fevral kuni jamoaning asosiy tarkibi Oltinko'l stadionida yig'ildi.
Mashg'ulotlarni bosh murabbiy Baxtiyor Ashurmatov va uning yordamchisi Shuhrat Maqsudovlar olib bordilar. Jamoa ikki soat davomida jismoniy va taktik ishlanmalar ustida shug'ullandilar.
Andijonlik muxlislarni o'z jamoalariga mehri bo'lakcha, ular suyuklilarini  hatto mashg'ulotlar davomida ham yolg'izlatib qo'yishmaydi. Stadionga kirib kelgan   futbolchilarni klub muxlislari sardori Nodirbek To'ychiev boshchiligidagi bir guruh ishqibozlar musiqa, hayqiriq va qarsaklar bilan kutib olib,  mashg'ulot davomida  qo'llab-quvvatlab turdilar. O'yinchilar tomonidan amalga oshirilgan har bir chiroyli harakat ularning nigohidan  chetda qolmadi.
“Andijon” tarkibidagi o'zgarishlarga to'htaladigan bo'lsak, klub yaqin kunlarda yangi kelgan o'yinchilarni tanishtiruv marosimini o'tkazishni rejalashtirgan.
E'tiboringizga mashg'ulotlar jarayonidan olingan fotosuratlarni havola qilamiz.       Elmurod ERMATOV, Andijon      
— deya xabar beradi uff.uz nashri.